സ്വപ്നങ്ങൾ

By Tulasi Chembakam

മറവിയുടെ കയത്തിൽ

മറഞ്ഞു പോയൊരു

മധുരിതമോർമ്മകളിലു-

മെത്തിക്കും മെൻ ദിവാസ്വപ്നം .

ആശിച്ചു വശം കെട്ട

ലക്ഷ്യത്തിൻ ശ്യംഗത്തിലു-

മെത്തിക്കുമെൻ നഷ്ട സ്വപ്നം .

നഷ്ടങ്ങൾ നങ്കൂരമിട്ട

കണ്ണീർ തോരാത്തൊരെൻ

നെഞ്ചിൻ കൂടിലുമെത്തി -

ക്കുമെൻ പേടിസ്വപ്നം .

വൃഥാ എത്തി പിടിക്കാൻ 

കൊതിക്കും സങ്കല്പ 

സാമ്രാജ്യത്തിലുമെത്തി -

ക്കുമെൻ പകൽ സ്പ്നം .

കടുകിന്റെ കണ്ണിലും,

സൗരയൂഥത്തിന്റെ 

കൊമ്പിലുമെത്തിക്കുമെൻ

ഭ്രാന്തൻ സ്വപ്നം .

ഭയത്താൽ ഉരുകി 

തീരുമെന്നെ

ഞെട്ടിയുണർത്തി നരകത്തി -

ലെത്തിക്കുമെൻ ദു:സ്വപ്നം .

ഇവയെല്ലാം 

കണ്ണടച്ചു ഞാൻ കണ്ട 

പാഴ് സ്വപ്നങ്ങളെങ്കിൽ,

ഉയിരായ് കണ്ടു 

ഞൊടിയൊന്നിൽ

ഞാൻ കാണും

അക്ഷര സ്വപ്നങ്ങൾ

എത്തിച്ചിടുന്നെന്നെ 

കാവ്യസ്വർഗത്തിൽ .

By Tulasi Chembakam