സ്ത്രീ

By Noorjahan Basheer

കവികൾ പണ്ടുപാടിയ വരിയിലെ

സ്ത്രീയേ നിന്റെപേരോ കണ്ണൂനീരെന്ന്.

അവളെന്നെന്നുമുരുകി-

ത്തീരാനുള്ള മെഴുകുതിരിനാളമോ.

എന്നോവൊരിക്കലാരോപറഞ്ഞു

മനുഷ്യർതൻ മനസ്സിൽ വെരുറപ്പിച്ച അബന്ധജഢിലങ്ങളാം അജ്ഞതയല്ലോയിതെല്ലാം.

കരുണയുള്ളൊരമ്മയാ-

ണവളെങ്കിലും, സ്നേഹമയിയാം 

ഭൂമിദേവിപോലവളെങ്കിലും

അനീതിക്കുനേരെ, ദുഷ് ചെയ്തികൾക്കെതിരെ

മിഴികൾപൂട്ടാതെയവൾതൻ 

തൂലികയെങ്കിലും പടവാളാക്കേണ്ടവൾ.

ദുർബലയല്ലവൾ തീരെ

നീറിയൊടുങ്ങാനുള്ളതു-

മല്ലജന്മമീ പാരിൽ.

അടിമയുമല്ലവളാരുടെയും

ഉയരങ്ങളിലേക്ക് കുതിക്കുവാൻവെമ്പും

മനസ്സൊന്നുമാത്രം മതിയവൾക്ക്

പുതിയ വിജയത്തിൻ

ഗാഥകൾ രചിച്ചീടാൻ.

By Noorjahan Basheer