വാട്ട്സ്ആപ്പ് ചരിതം: ആക്ഷേപ ഹാസ്യം

By Tulasi Chembakam

മുപ്പതിൻ മേലെ അംഗങ്ങളുമായ് -

വാട്ട്സ്സാപ്പിൽ ഇന്നൊരു ഗ്രൂപ്പ് തുടങ്ങി.

കുടുംബക്കാർ തന്നെയാണേവരുമെങ്കിലും

തമ്മിലറിയാത്തവരതിലേറെയും ഉണ്ട് .

1-ാം വാരം

ഹായും, ഹൂയും ആയിരം സ്മെയിലിയും

ഒന്നിച്ചയച്ചവർ ആനന്ദിച്ചാർ,

ഗ്രൂപ്പ് ചാറ്റിംഗും , വീഡിയോ കോളും

തകൃതിയായ് തന്നെ നടന്നു നെറ്റ് തീരുവോളം .

2-ാം വാരം

ഗുഡ് മോണിംഗ്, ഗുഡ് നൈറ്റിൽ ഒതുങ്ങി നിന്നു .

വഴി തെറ്റി വന്ന ചില ഫോർവേഡ് മെസ്സേജും

ഗ്രൂപ്പിതിൻ കോളത്തിൽ നിറഞ്ഞു നിന്നു .

3 ാം വാരം

ഭിന്ന സ്വരങ്ങൾ നുഴഞ്ഞുകയറി, കണ്ണുകടിയും

കല്ലുകടിയും തലപ്പൊക്കി നോക്കുന്നു ഇടയിലൂടെ .

അങ്ങനെ തമ്മിലടിയും പതിവായി വിടെ .

4-ാം വാരം

പറയാതെ അറിയാതെ പലരും പ്പോയി

ലെഫ്റ്റടി എന്നത് ശീലമായി.

5-ാം വാരം

അങ്ങനെ ഗ്രൂപ്പിതുക്കാലിയായി ,

അന്തം വിട്ടഡ്മിനോ കുന്തിച്ചിരിക്കുന്നു.

🤯🤯🤯🤯🤯🤯🤯🤯

By Tulasi Chembakam