യാത്ര

By Murshitha K

"ഉപ്പാ.. "

"എന്താടാ?"

"നമ്മളെന്നാ വയനാട് കാണാൻ പോവ്വാ? "

"ഈ തിരക്കിലിപ്പൊ വയനാട് കാണേ..? എനിക്ക് എത്ര പണിയുണ്ട്... കണ്ടില്ലേ രാവും പകലും ചെയ്തിട്ടും തീരാത്ത പണി? "

"നിങ്ങളെത്ര കാലമായി പറയുന്നു ഉപ്പാ.."

"നീ എന്റെ മുമ്പീന്ന് പോവുന്നുണ്ടോ? "..അയാളത് അല്പം ദേഷ്യത്തോടെയാണ് പറഞ്ഞത്.

എന്തോ ആ നിഷ്കളങ്കഹൃദയം തേങ്ങി.

ഓഫീസ് ജോലികൾക്കിടയിൽ അയാള്‍ മറന്നുപോയ പലതുമുണ്ട്.

പെട്ടെന്ന് ഒരു നിലവിളി കേട്ടു...

"ഇക്കാ. ..വേഗം വരീ.. "

രക്തം ഛർദിച്ച് തളർന്ന മകനരികിൽ നിലവിളിക്കുകയായിരുന്ന ഭാര്യയെ അയാള്‍ കണ്ടു.

പെട്ടെന്ന് ആശുപത്രിയിലെത്തിച്ചു..

അവിടുന്ന് കേട്ടത് അയാള്‍ക്ക് ഉൾകൊള്ളാനായില്ല...

"നിങ്ങളുടെ മോന് ബ്ലഡ് കാൻസർ ആണ്. .. ലാസ്റ്റ് സ്റ്റേജ് ...! "

"ഡോക്ടർ.. ഞാനെന്റെ മോനെ കൊണ്ട് പൊയ്ക്കോട്ടെ.. ? "

ഡോക്ടർ തടഞ്ഞു:

"ഞങ്ങളൊന്ന് ശ്രമിക്കട്ടെ.."

"വേണ്ട...ഞാൻ അവനെ വയനാട് കാണിച്ച് വരാം... " അയാൾ കരഞ്ഞു പറഞ്ഞു.

നിവൃത്തിയില്ലാതെ അവർ സമ്മതിച്ചു.

അവനെ അയാൾ കൊണ്ട് പോയി. ..

അനുമോൻ ചോദിച്ചു:" അപ്പോ നിങ്ങക്ക് ഇന്നെ ഇഷ്ടാണ് ലേ പ്പച്ചീ...

നമ്മക്ക് ഇനീം പോവണട്ടോ..."

അയാളുടെ കണ്ണുകൾനിറഞ്ഞു...

അപ്പോൾ ആ കുഞ്ഞുജീവൻ അയാളുടെ കൈകളിൽ തളർന്ന് വീണു...

By Murshitha K