പ്രണയനിലാമഴയിൽ

By Noorjahan Basheer

പ്രണയമെന്നിലൊരു

നിലാമഴയായ് 

പെയ്തൊരാനാളിൽ 

നിൻ തൂമന്ദഹാസം 

പൊഴിക്കും സുന്ദരവദനം മാത്രമായിരുന്നു 

എൻമാനസത്തിലെന്നും.

മധുരമൂറുമാമൊഴികളെന്നു-

മെന്നിലൊരു കുളിർമഴയായ്‌ പെയ്തിറങ്ങി.

എൻകനവിലും, നിനവിലും

പ്രിയേനീയൊരുവർണ്ണ

ശലഭമായന്ന്പാറിപ്പറന്നിരുന്നു.

സ്വർണ്ണക്കൊലുസുകൾ

ചിലമ്പൊലിനാദം പൊഴിക്കുമ്പോൾ

പ്രണയിനി നിൻപാദ- പദനങ്ങൾക്കായെന്നും

ഞാൻ കാതോർത്തിരുന്നു.

നിലാവ് പെയ്തിറങ്ങുന്ന

രാവിൻ നിശീധത്തിൽ

ആമ്പൽകുളക്കല്പടവിൽ പാലപ്പൂമണമൊഴുകിയെത്തിയൊരാ-

യിളംതെന്നലിൽ കഥയിലെ

രാജകുമാരനും, കുമാരിയുമായ്‌ 

നമ്മൾ സ്വയംമറന്നിരുന്നിരുന്നു.

കാലങ്ങെളെത്ര കൊഴിഞ്ഞുപോയീടിലും

ഓർമ്മതൻ ആഴക്കടലിലെ മണിചെപ്പിലിന്നുമൊരു

മാണിക്യമുത്തായ്‌ തിളങ്ങീടും

ഗൃഹാതുരമാമോർമ്മകൾ.

By Noorjahan Basheer