നായാട്ട്

By Tulasi Chembakam

നാട് ഭരിച്ചീടും നായകൻമാർക്കൊരു

നായാട്ട് കമ്പം കീഴ്വഴക്കങ്ങളിൽ ഒന്നേ ...

വിനോദമായ് കൊണ്ടവർ വിളയാടുന്നു

വിപരീതങ്ങളൊക്കെയും ക്ഷണിച്ചീടുന്നു.

ഭൂഖണ്ഡമതേതായാലും, വിശ്വത്തിൽ

വിദ്വേഷ വിവേചനങ്ങൾക്കൊരതിരുമില്ല.

മണ്ണിതിലൊന്നാകെ നിറഞ്ഞിടുന്നതിരു-

വർഗ്ഗങ്ങൾ മാത്രമെന്നും, ഇരയും വേടനും .

ബാഹ്യവർണ്ണങ്ങളിൽ, ജന്മ ജാതികളിൽ,

ദരിദ്ര്യ ശോകങ്ങളിൽ, നാരീ ഭോഗങ്ങളിൽ,

കള്ള ചൂതാടി നേടുമധികാരങ്ങളിൽ,

അങ്കംവെട്ടും മതവെറിയുടെ മേലങ്കികളിൽ ,

നായാടി നേടിയ ഇരയെപ്പോലൊരു ഭാഗവും ,

വേടരൊക്കെ വിശുദ്ധരാവും മറുഭാഗവും.

ഇരയുടെ രോദനമിരുളിൽ പുതയുമ്പോൾ ,

വേടന്റെ ആവനാഴി അമ്പൊടുങ്ങാതെയിനിയും.

മൃഗ നായാട്ടിനായും, നരനായാട്ടിനായും

രക്തദാഹിയായ് ഒരുങ്ങുന്നു

നിശാചരൻമാരിവിടെ നിർലോഭം .

🔅🔅🔅🔅🔅🔅🔅🔅🔅🔅🔅

🔅🔅🔅🔅🔅🔅🔅🔅🔅🔅

By Tulasi Chembakam