ഓര്‍മ്മക്കാലം

By Vishnu P Menon

മിഴിനീര്‍ തുള്ളിയില്‍ അലിയുന്ന കാലമേ

ഓര്‍മ്മയുണ്ടോ നിനക്കെന്‍റെ നെറ്റിമേല്‍

നിന്നാദ്യം എടുത്തൊരാ വര്‍ണധൂളിയെ

ഏഴഴകുള്ളോരാ സിന്ദൂര രേഖയെ

തരിക കാലമേ തിരികെ തരിക നീ

ഹൃദയത്തിലര്‍പ്പിക്കാനൊരിറ്റു സിന്ദൂരവും

വരിക കാലമേ തിരികെ വരിക നീ

അണഞൊരാദീപം തിരികെ കൊളുത്തുവാന്‍

വാടിയപ്പൂവിനെ തൊട്ടുന്നര്‍ത്തുന്നൊരാ സൂര്യനെ

ഓര്‍മിക്കുവാന്‍ എനിക്കാഗ്രഹം വാടിയ

പൂമൊട്ടു പോലൊരാ കൊമ്പിന്‍മേല്‍

വാടിനിന്നീടാന്‍ എനിക്കിന്നൊരാഗ്രഹം

ആറ്റിറമ്പിലെ തുള്ളികളെ നിങ്ങള്‍ കോര്‍ത്ത

മുള്ള് ഏറ്റൊരാ താമരമൊട്ടിലെക്ക്

ആര്‍ന്ന മഴവില്ലെടുതോരാ കാര്‍മേഘത്തെ

ഓര്‍മ്മയുണ്ടോ എന്നെനിക്ക് അറിയില്ല പോല്‍

ആളിയെരിഞൊരാ കാവിലെ ദീപത്തിന്‍

മാറിലായ് ചുംബിച്ച് അകന്നൊരു കാറ്റേ നിന്‍

ചുംബനമേറ്റന്നു കെട്ടോരു ദീപത്തെ

കാത്തിരിക്കുന്നൊര തിരിയിന്നെകനായി

എണ്ണയിലാര്‍ന്ന തിരിയുറക്കെ കരയുമ്പോള്‍

വാരിപ്പുണരുവാനൊരിറ്റ് എണ്ണതന്‍ തുള്ളിയായി

എന്നിലായി ശേഷിപ്പിനായിതാ കേവലം

തുള്ളികള്‍ വീണോരീ പൊട്ടിന്‍റെ പാടുകള്‍

ചൂടിയ പൂവിന്‍റെ ഗന്ധം അറിഞ്ഞാരോ

പാടുകളോടവ ദൂരേക്ക് എറിയവെ

തേടിനടകുന്നു കാതങ്ങളിപ്പുറം

കാട്ടിലെവിടെയോ നിന്നെയാം പുഷ്പമേ

ഓര്‍മ്മകളെല്ലാം ഒരിക്കലിന്ന് ഓര്‍ക്കുമ്പോള്‍

ഓര്‍ത്തോര്‍ത്തെടുക്കാന്‍ ഇന്നെന്ത് ഭംഗി

പിന്‍വഴിയിലൂടെയാ കാലടികളോടുമ്പോള്‍

കാതോര്‍ത്തിരിക്കാന്‍ ഇന്നെന്ത് ഭംഗി

By Vishnu P Menon