ഋതുഭേതങ്ങൾ

By Tulasi Chembakam

എന്നിൽ മിന്നി മാറുന്ന

മനോഭാവങ്ങളെപ്പോൽ,

സ്വരൂപമവൾ മാറ്റിടുമ്പോൾ

ഋതുക്കളായെന്നിലവ

സമ്മാനമായതണഞ്ഞിടുന്നു.

പുനരുജ്ജീവനത്തിൻ

വേളയിതിൽ

പ്രകൃതിയൊന്നാകെ

പൂത്തുലയുന്ന വസന്തമായും .

ആദിത്യ കിരണങ്ങളോ

ജ്വലനമേറ്റി സ്വർണ്ണ പ്രഭ -

ചൊരിയും മധുര ഫലങ്ങളാൽ

സമൃദ്ധമായൊരീ ഗ്രീഷ്മമായും.

മഴ മുത്തുക്കൾ പെയ്തിറങ്ങി

മണ്ണിൽ മാദകഗന്ധം

പരത്തും മനോഹര

വർഷ ഋതുവായും .

മേഘങ്ങൾ നീങ്ങി വെയിൽ

പമ്മി നോക്കുമാ -

ഋതുവോ നീലാകാശം നിറയുന്ന

ശരത്കാലമായും ,

ഇത്തിരി മഞ്ഞും പിന്നെ

ഇടിവെട്ടിപെയ്യും

തുലാമഴയുമായി പ്രണയം

ചൊരിയും ഹേമന്തമായും ,

മഞ്ഞ് പെയ്തിറങ്ങി

കുളിരു കോരി

ചില്ലകൾ ഇലകൾ

പൊഴിച്ചു പിണങ്ങി നിൽക്കുന്ന

ശിശിര നാളായും ,

ഋതുഭേദങ്ങൾ

വിതറിയെനിക്കൊരു

സമ്മാനമൊരുക്കുന്നു പ്രകൃതി.

By Tulasi Chembakam