ಶಿರಡಿ ಸಾಯಿ ಬಾಬಾ

By Sahana Joshi

 ಹೋಗೋಣ  ಬನ್ನಿ ಎಲ್ಲರೂ ಜೊತೆಗೂಡಿ ।

ನೋಡಲು ಪವಾಡ ಪುರುಷ ಶ್ರೀ ಸಾಯಿ ಬಾಬಾರವರ ಶಿರಡಿ ॥

ಇಂದಿಗೂ ರೋಮಾಂಚನ ಗೊಳಿಸುವುದು ಬಾಬಾರವರ ಪವಾಡಗಳು।

ಸಾರಿ ಸಾರಿ ಹಾಡಿ  ಹೇಳುವರು ಎಲ್ಲ ಭಕ್ತಾದಿಗಳು ॥

ಎಣ್ಣೆ ಇಲ್ಲದೆ ದೀಪ ಉರಿಸಿದರು ಅವಧೂತರು।

ಕುದಿಯುವ ಅನ್ನಕೆ ಕೈ ಆಡಿಸಿದರು ಯೋಗಿರಾಜರು॥

ಕುಷ್ಠ ರೋಗಿಯೊಬ್ಬ ಗುಣವಾದ ಬಾಬಾ ಆಶೀರ್ವಾದದಿಂದ ।

ಕೈಬಿಡರು ಬಾಬ ತಮ್ಮನ್ನು ನಂಬಿ ಬಂದವರನ್ನು ಭಕ್ತಿಯಿಂದ ॥

ಕುದುರೆಯನ್ನು ಕಳೆದುಕೊಂಡು ಹುಡುಕುತ್ತಿದ್ದರು ಪಟೇಲರು।

ಹಳ್ಳದ ಕಡೆ ಕೈ ತೋರಿಸಿ ಕುದುರೆ ಅಲ್ಲಿದೆ ಎಂದರು ಫಕೀರರು॥

ಚಾಂದ ಭಾಯ್ ಕರೆದೊಯ್ದರು ಫಕೀರರನ್ನು ಶಿರಡಿಗೆ ।

ಅಲ್ಲಿ  'ಸಾಯಿ'  ಎಂಬ ಹೆಸರು ಬಂತು ಬಾಬಾರವರಿಗೆ ॥

ಶಿರಡಿಯ ಬಾಬಾಗೆ ಮಾಡುವರು ಭೂಪಾಲಿ,ಕಾಕಡಾರ್ತಿ, ಧೂಪಾರ್ತಿ, ಶೇಜಾರ್ತಿ।

ಮನವು ತುಂಬಲಾರದು ದರ್ಶನ ಪಡೆದರು ಎಷ್ಟು ಸರ್ತಿ ॥

ಉರಿಯುತ್ತಲೆ ಇರುವುದು ಇಂದಿಗೂ ಬಾಬಾರವರ ಧೂಪ ।

ಅದರ ಹೋಗೆಯಿಂದ ನಶಿಸುವುದು ಭಕ್ತಜನರ ಪಾಪ ॥

ಹೋಗೋಣ  ಬನ್ನಿ ಎಲ್ಲರೂ ಜೊತೆಗೂಡಿ ।

ನೋಡಲು ಪವಾಡ ಪುರುಷ ಶ್ರೀ ಸಾಯಿ ಬಾಬಾರವರ ಶಿರಡಿ ॥

By Sahana Joshi