ಭಾವನೆಗಳು…..

By Naveen S Undri

ಮೂಡಣದಿ ಉದಯಿಸಿದ ರವಿಯು

ಹಿತವಾದ ಬಿಸಿ ಸ್ಪರ್ಶ ನೀಡುತಿರಲು

ಬೆಚ್ಚನೆಯ ಅನುಭವಕೆ ಪ್ರಕೃತಿಯು

ಕಣ್ಬಿಟ್ಟು ಪ್ರತಿಕ್ರಿಯೆ ನೀಡುತಿದೆ

ಏಕೋ ಮನಸು ಹಗುರಾದಂತೆ

ಎಲ್ಲೋ ಒಳಗೆ ಖುಷಿಯಾದಂತೆ

ಗಿರಿ ಶಿಖರಗಳು ನಭಕ್ಕೆ ಏಣಿಯಾದಂತೆ

ಸಪ್ತ ಸಾಗರಗಳು ನನ್ನ ಸಂಗ ಸೇರಿದಂತೆ

ಪಕ್ಷಿಗಳ ಜೊತೆಗೆ ಆಗಸಕ್ಕೆರುವಾಸೆ

ಮಳೆ ಹನಿಗಳ ಜೊತೆ ಭುವಿಯ ಸ್ಪರ್ಶಿಸುವಾಸೆ

ಬಣ್ಣಗಳಒಡಗೂಡಿ ಬಾನ ಚಿತ್ರಿಸುವಾಸೆ

ದುಂಬಿಗಳ ಸಂಗ ಮಕರಂದ ಹೀರುವಾಸೆ

ಬಹುದಿನಗಳ ನಂತರ ನಂಬಿಕೆಯ ಈ ನಗು

ಭರವಸೆಗಳ ಜೊತೆಗೆ ಇರಲಿ ಎಂದೆಂದಿಗೂ...

By Naveen S Undri