ಜೊತೆಗಿರುವ ದೆವರುಗಳು…..

By Naveen S Undri

ಜನ್ಮ ನೀಡಿದ ಜನುಮದಾತರ ಅರೆ ಘಳಿಗೆ ಸ್ಮರಿಸುವಾಸೆ

ಪದದಿ ವರ್ಣಿಸಲಾಗದ ಇವರ ಮನದಿ ಪೂಜಿಸುವಾಸೆ

ನಮ್ಮ ಮೊದಲ ಅಳುವಿಗೆ ಖುಷಿಯಾದರು

ಮತ್ತೆ ಅತ್ತಾಗ ಸಂಕಟ ಪಟ್ಟವರು

ತೊದಲು ನುಡಿ ಕೇಳಿ ದೃಷ್ಟಿ ತೆಗೆದರು

ಪ್ರತಿ ಕ್ಷಣವೂ ಕಣ್ಣಂಚಿನಲ್ಲಿ ಕಾಪಾಡಿದವರು

ನಮ್ಮ ನಗುವಲಿ ತಮ್ಮ ದುಃಖ ಮರೆತವರು

ಎಲ್ಲ ಕಹಿಯ ನುಂಗಿ ಸಿಹಿಯ ಉಣಬಡಿಸಿದರು

ಹುಸಿಕೋಪದಿ ಗದರಿ ತಿಳಿ ಹೇಳಿದವರು

ಮೇಣದಂತೆ ಕರಗಿ ಬೆಳಕ ನೀಡಿದರು

ನಮ್ಮ ಗೆಲುವನ್ನು ಸಂಭ್ರಮಿಸಿದವರು

ಸೋತು ಕುಗ್ಗಿದಾಗ ಧೈರ್ಯ ತುಂಬಿದರು

ಲೋಕಕ್ಕೆ ನಮ್ಮನ್ನು ಪರಿಚಯಿಸಿದವರು

ತಮ್ಮ ಪರಿಚಯವವ ನಮಗಾಗಿ ಮರೆತರು

ಇವರ ನೀಡಿದ ದೇವರಿಗೆ ನನ್ನ ಧನ್ಯವಾದ....

ಈ ತ್ಯಾಗ ಮೂರ್ತಿಗಳ ಕಂಡು ಅವನು ಬೆರಗಾದ....

By Naveen S Undri