ಗಜಮುಖ….

By Naveen S Undri

ಭಾದ್ರಪದ ಶುಕ್ಲದ ಚೌತಿಯ ಈ ದಿನ

ಮನೆ ಮನಗಳಿಗೆ ವಿನಾಯಕನ ಆಗಮನ

ಗಜಾನನನ ಸ್ವಾಗತಕ್ಕೆ ಧರೆಯು ಕಾದಿರಲು

ಆ ದೇವನ ಸ್ತುತಿಸಲು ಎಲ್ಲರೂ ಒಕ್ಕೊರಲು

ಗೌರಿಯ ಕಂದ ನಮ್ಮೀ ಆದಿಪೂಜೆಯ ಅಧಿಪತಿ

ಕಷ್ಟಗಳ ದೂರಮಾಡೋ ಸಂಕಷ್ಟಹರ ಗಣಪತಿ

ತಾಯಿ ಆಜ್ಞೆಗೆ ಪರಶಿವನ ಎದುರಿಸಿದವನು

ತಂದೆ ತಾಯಿಯ ಸುತ್ತಿ ಮುಲ್ಲೋಕ ಎಂದವನು

ವಿದ್ಯೆಬುದ್ಧಿಯ ಒಡೆಯ ಈ ಮಹಾಭಾರತದ ಲೇಖಕ

ತಪ್ಪಿಗೆ ಶಪಿಸಿ ಮತ್ತೆ ಕರುಣಿಸಿದ ಚಂದ್ರಮಗೆ ಬೆಳಕ

ಭಕ್ತರ ಪಾಲಿನ ಭರವಸೆಯು ಈ ನಮ್ಮ ಗಜಾನನ

ಭಯದಿ ನೆನೆದಾಗ ಜೀವಕ್ಕೆ ಏನೋ ಸಮಾಧಾನ

ಪೂಜೆ ಸ್ವೀಕರಿಸಿ ಆಶೀರ್ವದಿಸಲು ಬರುತಿಹನು ಮೂಷಿಕ ಸವಾರ....

ಪ್ರಸಾದ ಸೇವಿಸಲು ಬಹುಶಃ ಮೋದಕ ಪ್ರಿಯನಿಗೂ ಆತುರ..

By Naveen S Undri