" ಅದಕೆ ಅವಳು ಭೂಮಿ "

By Shilpa Honnakote

ಅವಳು ಬದಲಾಗಿಲ್ಲ

ಬದಲಾಗಿರುವುದು ನೀನು ಮಾತ್ರ

ಬದಲಾಯಿಸಲು ನೀನೆಷ್ಟೋ ಪ್ರಯತ್ನಿಸಿದೆ

ಅವಳು ಬದಲಾಗಲಿಲ್ಲ

ಗರ್ಭಕೆ ಇಳಿಯೋ ಮಳೆಗೆ

ಹೊಸ ಚಿಗುರು ಕುಡಿಯೊಡೆಸಿ

ಅವಳು ಬದಲಾಗದೆ ನಕ್ಕಳು

ಉರಿಬಿಸಿಲಿಗೆ ತಂಗಾಳಿ ಎಲ್ಲಿಂದಲೋ ಹುಡುಕಿದ ಅವಳು

ಬದಲಾವಣೆ ಏನೆಂದು ಕೇಳಲಿಲ್ಲ

ನೊರೆಯಂತೆ ಮಂಜು ಮುಸು ಮುಸುಕಿ ಕಣ್ಣು ಕಟ್ಟಿದರೂ

ಕಾದು ಹೊತ್ತು ನೆತ್ತಿಗೆ ಬಂದಾಗ

ಬದಲಾಗಲ್ಲ ನಾನು ಎಂದು

ಬೆಚ್ಚನೇ ಇಬ್ಬನಿ ತೊರೆದಳು

ಅವಳು ಬದಲಾಗಲಿಲ್ಲ

ಬದಲಾದ ಕಾಲಕೆ ತನ್ನಂತೆ ನಡೆದಳು

ನಿನ್ನ ಬದಲಾವಣೆಯ ಆಸೆಗೆ ಮಾತ್ರ ಒಮ್ಮೊಮ್ಮೆ ಮೈ ಕೊಡವಿ ನಿಂತರೆ ಅವಳು

ಉಸಿರೆತ್ತಲಾರೆ ಬದಲಾವಣೆ ಹೆಸರಲಿ

ನೀನಾರು ಅವಳ ಎದುರು

ಅಣುವಿನ ಕ್ಷಣಕೂ ಅವಳು ನಿತ್ಯ ನಿರಂತರ

-: ಶಿಲ್ಪ ಹೊನ್ನಕೋಟೆ:-

By Shilpa Honnakote