ಅಜ್ಜಿ ಮನೆ

By Sahana Joshi

ನಮ್ಮ ಅಜ್ಜಿ ಮನೆ ಸವದತ್ತಿ |

ಹೋಗ್ತಿದ್ವಿ ನಾವು ಗುಡ್ಡ ಹತ್ತಿ ||

ಹಿತ್ತಲದಾಗ ಬಿಡ್ತದ್ದು ಮಲ್ಲಿಗಿ, ಡೇರೆ ,ಗೊರಟಿಗೆ ಹುವಾ |

ನಾವು ಅವನ್ನ ಹರದಾಗೊಮ್ಮೆ ಅಜ್ಜಿ ಹೇಳಕಿ ಹರಿ ಬ್ಯಾಡ್ರವಾ||

ಬೆಳೆಸಿದ್ಲು ಅಜ್ಜಿ ಮೆಣಸಿನಕಾಯಿ, ಕರಿಬೇವು ,ಕೊತಂಬರಿ ಗಿಡ |

ಮಾಡತಿದ್ಲು ಅದನ್ನ ಹಾಕಿ ನಮಗ ಜೋಳದ ವಡ||

ಡಬ್ಯಾಗ ಇಟ್ಟಿರ್ತಿದ್ಲು  ಚುರುಮುರಿ ಹಚ್ಚಿ |

ತಿನಲ್ಲಿಕ್ಕೆ ಕೋಡತಿದ್ಲು ಅದಕ್ಕೆ ಸೌತಿಕಾಯಿ ಕೊಚ್ಚಿ ||

ಮರದಿಂದ ಹರಕೊಂಡ ಬರತ್ದ್ವಿ ಮಾವಿನಕಾಯಿ ಇಲಾಯಿಚಿ|

ತಿನ್ನಕೊತ ತಿನ್ನಕೊತ ಆಡತಿದ್ವಿ ಚಕ್ಕಾವಚ್ಚಿ||

ನಮ್ಮ ಅಜ್ಜಂದ ಇತ್ತು ಹನುಮಪ್ಪನ ಗುಡಿ |

ಪುಜಾಕ ಹೋಗ್ರಿ ಅಂತ ಮಾಡತಿದ್ಲು ಅಜ್ಜಿ ಗಡಿಬಿಡಿ ||

ಹಣುಮ ಜಯಂತಿಗೆ ಹಾಕ್ಕೊತಿದ್ವಿ ಹೊಸಾ ಬಟ್ಟಿ |

ಎಲ್ಲಾರಗೂ ಕೊಡತಿದ್ವಿ ಪ್ರಸಾದ ಚೀಟಿದಾಗ ಕಟ್ಟಿ ||

ಮತ್ತ ಊರಿಗೆ ವಾಪಸ ಹೋಗ್ಲಿಕ್ಕೆ ಆಗತ್ತಿತು ಬ್ಯಾಸರಾ|

ಸಾಲಿ ಶುರು ಆಗ್ತದ ನಡಿ ಅಂತ ಕರಕೊಂಡು ಹೋಗತ್ತಿದ್ಲು ಅಮ್ಮ ಸರಸರಾ ||

By Sahana Joshi