ಅಂದದ ಚಂದದ ಬಳೆ

By Sahana Joshi

ಕಿಣಿಕಿಣಿ ನಾದವ  ಮಾಡುತ್ತ ಸುಂದರ ಬಳೆ|

ಎಲ್ಲರನ್ನು ಸೆಳೆಯುವ ತನ್ನತ್ತ ಈ ಬಳೆ ||

ಮುತೈದರಿಗೆ ಐದು ಮುತ್ತುಗಳಲ್ಲಿ ಒಂದು ನೀನು|

ಮದುಮಗಳ ಅಲಂಕಾರಕ್ಕೆ ಭೂಷಣ ನೀನು||

ಅಮ್ಮನ ಬಳೆಗಳ ಸದ್ದು ಕೇಳಲು ಕಂದಮ್ಮನಿಗೆ ಆನಂದ|

ಅವಳ ಬಣ್ಣ ಬಣ್ಣದ ಮಿಣಿ ಮಿಣಿ ಮಿಂಚುವ ಬಳೆಗಳು ಚಂದಕಿಂತ ಚಂದ||

ಹಬ್ಬಗಳಿಗೆ ತೊಡಿಸುವರು ಹೊಸ ಬಳೆ|

ಕೈತುಂಬ ಬಳೆಗಳು ಇದ್ದಾಗಲೆ ಹಬ್ಬಕ್ಕೊಂದು ಕಳೆ||

ಹಸಿರು, ಕೆಂಪು, ಗುಲಾಬಿ ಹಲವಾರು ಬಣ್ಣಗಳ ಗಾಜಿನ ಬಳೆಗಳು|

ಅವುಗಳ ಮಧ್ಯ ರಾರಾಜಿಸುವುದು ಚಿನ್ನದ ಬಳೆಗಳು||

ಹೆಣ್ಣು ಮಕ್ಕಳ ಸೌಂದರ್ಯವನ್ನು ಹೆಚ್ಚಿಸುವುದು ಬಳೆ|

ಮಹಿಳೆಯರಿಗೆ ಹೆಮ್ಮೆಯ ಆಭರಣವೆ ಬಳೆ||

By Sahana Joshi