మది మరుపు

By Hemanth Kartheek

మర్చిపోడానికి మనిషిగా ప్రయత్నించేంత 

                  జ్ఞాపకం నువ్వు

మర్చిపోవాలనే మాటకు చచ్చిపోవాలనిపించేంత

                  ప్రళయం నువ్వు

మర్చిపోలేననే బాధకు మతిపోగేట్టేంత 

                   విషం నువ్వు

మర్చిపోడానికి వీల్లేకుండా మతిపై మది చిమ్మిన 

                  అమృతం నువ్వు.

నా మౌనం దాచిన అబద్దాలకు

యీ శతాబ్దపు అర్థం నువ్వు

నా ప్రాణం దోచిన అనుబంధాలకు

యీ దశాబ్దపు స్వార్థం నువ్వు.

నా గుండె చేసే శబ్దాన్ని ...

సంగీతంలా మార్చే రాగం నువ్వు.

నా కళ్ళు కార్చే కన్నీటిని...

సముద్రం చేసే రహస్యం నువ్వు.

నన్ను కన్నీరులా మార్చిన కన్నులు నువ్వు

నా కన్నీరును తీయగా చేసిన తేనెటీగ నువ్వు

నా కలలను అలల్లా తరిమిన ఉప్పెన నువ్వు

నా ఆశాల్ని శ్వాసలుగా మలుచుకున్న మాయ నువ్వు.

మనిషి కనులకు ఆశవి నువ్వు,

మనసు పనులకు భాషవి నువ్వు.

ధ్యాసను దాసిని చేసే వ్యసనం నువ్వు,

శ్వాసను శక్తిలా శాసించే శాసనం నువ్వు.

By Hemanth Kartheek