ప్రతి అడుగుకీ ఓ తోడు...అవశ్యమైనది

By Nanubolu Rajasekhar

మనిషికి మానవత్వం తోడైతే...

        ఆ మనిషి వ్యక్తిత్వం ఉత్తమమైనది.

                                      మనిషికి క్రమశిక్షణ తోడైతే...

                                      ఆ మనిషి జీవితం సంతులితమైనది.     

 కుటుంబానికి ఐక్యత తోడైతే...

                                      ఆ కుటుంబం ఆదర్శవంతమైనది.

                                      వంశానికి  కీర్తి తోడైతే...

                                      ఆ వంశ చరిత్ర ఘనమైనది.

                                      భక్తికి ఆత్మశుద్ధి తోడైతే...

                                      ఆ భక్తి భగవంతునికి ప్రియమైనది.

                                      శిష్యుడికి సద్గురువు తోడైతే...

              ఆ శిష్యుడి భవిష్యత్తు దిగ్విజయమైనది.

              విద్యాలయాలకు సమాజ సేవ తోడైతే... 

                ఆ విద్యాలయాల ఆశయం శ్రేష్టమైనది.

                                      విద్యార్థి విద్యకు వినయం తోడైతే...

                                      ఆ విద్యార్థి విద్య పరిపూర్ణమైనది.

                                      విద్యార్థులకు గురువుల వాక్క తోడైతే... 

                                      ఆ విద్యార్థుల మేదస్సు సృజనాత్మకమైనది.                       

                                      బిడ్డలకు తల్లిదండ్రుల అనుభవం తోడైతే...

         ఆ బిడ్డల భవిష్యత్తు ఉజ్వలమైనది.

                                      సమాజానికి విలువలు తోడైతే...

                                      ఆ సమాజం సద్గుణసంపన్నమైనది. 

                                      నాయకత్వానికి ప్రజాసేవ తోడైతే...

      ఆ నాయకత్వం మార్గదర్శమైనది.

                                      పరిపాలనకు ప్రజా క్షేమం తోడైతే...

                                      ఆ పరిపాలన ప్రజారంజకమైనది.

                                      దేశానికి ప్రజా ఐక్యత తోడైతే...

                                      ఆ దేశం శక్తివంతమైనది.

                                                    స్నేహానికి నమ్మకం తోడైతే...

                                     ఆ స్నేహం పటిష్టమైనది. 

                                     ప్రకృతికి మానవ సంరక్షణ తోడైతే...

                                     ఆ ప్రకృతితో జీవనం మనోహరమైనది.

                                     ఉద్యోగికి నిబద్ధత తోడైతే...

                                     ఆ ఉద్యోగి వృత్తిపథం నిశ్చలమైనది.

                                     భార్యాభర్తలు ఒకరికొకరు తోడైతే...

                                     ఆ భార్యాభర్తల దాంపత్య జీవితం మధురమైనది.

                                                    జీవితానికి దారి చూపే తోడు లేకపోతే...... 

                                     ఆ జీవితం అసంపూర్ణమైనది.

                                               అందుకే జీవిత పయనంలో.... 

                                     ప్రతి అడుగుకీ భుజం తట్టే ఓ తోడు...అవశ్యమైనది.

By Nanubolu Rajasekhar