ప్రకృతి

By Sitadevi Padala

దేవుడు ఇచ్చిన వరమా

ప్రపంచ ప్రధమ అశ్చర్యమా

అలలా ఉప్పొంగే సముద్రమా

ఇలలో స్వర్గమా ఇంపైన స్వరమా

పచ్చని చిగురుల పసితనమా

ప్రవహించే నదుల ప్రావారమా

విరుల వాసనల విడ్డూరమా

వాన చినుకుల వయ్యారమా

పూల పరిమళాల ప్రవాహమా

పక్షుల కిలకిల రావమా

కమ్మని కోయిల స్వరమా

ఎర్రని కాంతి కిరణమా

చల్లని వెన్నెల చంద్రమా

వ్యవసాయ వీరుల వర్ణభరిత వాసమా

వసించు ప్రజల వేడుకల వినోదమా

విజ్ఞాన శాస్త్ర విద్యలో మానవ నేస్తమా

అమ్మ ప్రేమ ను తలపించే కమ్మని ఫలమా

ఆప్యాయతతో ఆసరాన్నిచ్చే ఆతిథ్యమా

హద్దులు లేని ఆప్యాయతకు అమ్మే అందం

అంతులేని ఆనందానికి ప్రకృతి తోనే బంధం

ప్రకృతే మన చుట్టూ ఉండే చక్కని నేస్తం

ప్రకృతిని కాపాడటమే మనందరి కర్తవ్యం

By Sitadevi Padala