ఆ కళ్ళు

By Kruthika Mantha

పాత ఆకాశం కొత్త తారలు

కొత్తగా కనిపించే పాత జాబిలి

నిండు వెన్నెల

ఇన్ని తోడుగా ఉన్నా

కొత్త ఊరేమో అంతా కొత్త కొత్తగా అనిపించింది..

ఆ సమయంలో నాతో స్నేహం చేసాయి ఆ కళ్ళు

తెలిసిన వాళ్ళకోసం వెతుకుతున్న నా కళ్ళకి

అవి అలిసి పోయినవేల కలిసిన ఆ కళ్ళు

అనుకోకుండా మళ్ళీ కలిసాయి

మళ్ళీ మళ్ళీ కలిసాయి

ఆపై వెతుకులాటలో అలిసిపోయిన వేళ

మళ్ళీ ఆనందంగా కలిసాయి

అందరిలాగే ఎన్నో కబుర్లు చెప్తున్నాయి అనను

కానీ…

ఏదో మాట్లాడుతున్నాయి

బహుశా అది అర్థం అయ్యేంత పరిచయం ఉండి ఉంటే

బాగున్ననిపించింది..

ఆ తర్వాత పాత పనులలో, కొత్త పరిచయాలతో

ఆ కళ్ళు పెద్దగా కనిపించలేదు

తర్వాత రోజు పనులలో తీరిక దొరకనేలేదు

ఇంక వెళ్ళిపతున్నాననగా

ఆ కళ్ళని ఒకసారి కలిసి వెళ్ళాలనిపించింది

వెతికాను

ఎక్కడా దొరకలేదు

బహుశా‌ పనులలో అలిసి పడుకుని ఉంటాయి

అనుకుని

ఇంక వెళ్ళిపోయాను

కొన్ని మధురస్మృతులని నా మనసుకి మిగిల్చిన ఆ మనోహరమైన కళ్ళని ఎప్పటికీ గుర్తుపెట్టుకుంటూ…

By Kruthika Mantha