பிஞ்ச செருப்பு (PINJA SERUPPU)

By Kanagasabai Chandrasekaran

செருப்பு

பிய்ந்திடும்போதெல்லாம்

பசைகொண்டு ஒட்டி

பின்னர்

முன்னேற்றப்பாதையில்

எடுத்து வைக்கும் ஓரடியில்

மீண்டும் பிய்ந்துவிடுவது

என்ன வகையான சோதனை.??

பசைக்கு வலிமையில்லையா.?

பிய்ந்த செருப்புக்குத்தான்,

மீண்டும் பயன்பட விருப்பமில்லையா.?

நடையில் தடுமாற்றமா ?

அல்ல ஒட்டிய விதத்தில் பிழையா.??

சிந்திக்கும் நேரத்தில்

பல சித்தரங்கள் நினைவூஞ்சலாட,

பாதம் படாத பாதையின்

தூரம் இன்னும்

குறையவேயில்லை.

ஒட்டாத செருப்பை

தூர எறிந்துவிட்டு

வெறுங்காலோடானாலும்

நடைதொடர்ந்தால்தான்

சரிவரும் போல..!

By Kanagasabai Chandrasekaran