ଚରମ ମର୍ମ

By Anjla Paramguru

    ଜୀବନ ଦରିଆ ବୁକେ 

                    କେତେ ଯେ ଲହଡ଼ି ,      

                    ହିସାବ କି କରି ହେବ      

                    ଗୋଟି ଗୋଟି  କରି   !!!

                    କେବେ ଛୋଟ କେବେ ବଡ଼ 

                    କେବେ  ଯେ ମଧ୍ୟମ,

                    ନତ ମସ୍ତକ ହୋଇ କର

                    ସ୍ଵାଗତ ପ୍ରଣାମ ।

                    ତରଙ୍ଗ, ତରଙ୍ଗାୟିତ

                    ହେବା ସ୍ଵାଭାବିକ,

                    ଭିତରେ ବାହାରେ ତାର

                    ରୂପ ଯେ ଅନେକ।

                    ବାୟୁ ,ଜଳ, ଲହୁ,ଲୁହ

                    ସବୁଠି ତରଙ୍ଗ,

                    ବହିର୍ଦେଶ, ଅନ୍ତର୍ଦେଶ 

                    ପ୍ରକୃତି, ଅନଙ୍ଗ ।

                    ଜୀବନ କଳା ନୈପୁଣ୍ୟେ 

                    ହେଲେ ପାରଦର୍ଶୀ,

                  ' ତରୀ କୂଳେ ଲାଗେ ସବୁ

                    ବାଧା, ବିଘ୍ନ ଉପେକ୍ଷୀ।

                    ଏହି ଯେ ଚରମ ମର୍ମ 

                    ସତ୍ୟ ଅନୁପମ,

                    ବିଭୁ ପାଦେ ରହୁ ସଦା

                    ଲୟ ଅନୁଧ୍ୟାନ ।

                     ଟିଟିଲାଗଡ଼, ବଲାଙ୍ଗୀର

By Anjla Paramguru