ଆପେକ୍ଷିକ ବର୍ଣାଳୀ

By Anjla Paramguru

 ଜୀବନ ??

           ଜୀବନଟା ମିଛିମି଼ଛିକା 

           ବାଲିଘର, ଦାଣ୍ଡ ଧୂଳି 

           ଗାଧୁଆ ତୁଠ କଳରବ,

           ଚପଳଉଚ୍ଛ୍ୱାସ , ଜଳକ୍ରୀଡ଼ା,

           ଆମ୍ବତୋଟା, ଟେକା ଫୋପଡ଼ା ,

           ବର ଓହଳ,ଦୋଳି ଖେଳ

           ସାଙ୍ଗ ସାଥୀ, 

           ଟାହି ଟାପରା ।

           ତତ୍ପରେ ---

           ସତସତିକା  

           ମିଛ ଦୁନିଆଁ;

           ପିତ୍ରାଳୟ,ମନ ଆକାଶ,

           ସ୍ମୃତି ଜହ୍ନ, ଶୀତଳତାର 

            ଅନାହୂତ ସ୍ପର୍ଶ ,

            ହୃଦୟ ବେଳାର 

            ଅଜଣା ଉଲ୍ଲାସ।

            ଖାଲ ଢିପ, ବାଆ ବତାସ,

            ଝଡ଼ ଝଞ୍ଜା, ପାଣି ପବନ,

             ହର୍ଷ - ବିଷାଦ ର ଏକ 

             ଅନ୍ତହୀନ ଅନ୍ତ ଅନ୍ୱେଷଣ।

             କେତେ ବେଳେ 

             ମନ୍ଦ ମଳୟ ସାଥେ 

             ବସନ୍ତର ମତୁଆଲା 

             ଆଷ୍ଳେଶ; ତ ପୁଣି

             କେତେ ବେଳେ 

             ଜୁଇ ର ଯୂପ - କାଠେ

             ଜୀବନ ର ବିଶ୍ଳେଷ।

By Anjla Paramguru