શું લખું તને?

By Payal Prajapati

શું લખું તને? કે પછી તારા માટે?

ચાલ, શબ્દોને જ મરોડી લખું હું..

લાગણીને આજ પાલવડે બાંધી,

મારી લાગણીઓને જ લખું હું...

પ્રણયની શબ્દમાળા બનાવીને,

અમસ્તી જ કોઈ કવિતા લખું હું...

મીઠી મધુર યાદોને તાજી કરી,

એ યાદોને જ વાગોળી લખું હું...

શિયાળાની ટાઢક સમી વાદળી,

તડકે ભીંજાયાની વાત લખું હું...

શું લખું તને? કે પછી તારા માટે?

ચાલ, શબ્દોને જ મરોડી લખું હું..

By Payal Prajapati