ગુજરાતની પ્રદક્ષિણા

By Payal Prajapati

અનેક તીર્થધામ સમાયા ગુર્જર ભૂમિમાં

હાલો કરીએ નાની એવી ગુજરાતની પ્રદક્ષિણા...

એકાવન શક્તિપીઠ થકીની એક એવી  

અંબાજી આવ્યું ગુજરાતના આંગણે

માં અંબાના દર્શન કરતાં ધન્ય થાય ગુજરાતી....

મહાદેવના ભવ્ય એવા જ્યોર્તિલિંગ આવેલ

જય સોમનાથ, જય નાગેશ્વર મહાદેવની

પૂજા – અર્ચના કરતા ધન્ય થતાં ગુજરાતી.....

રૂડા સંતોની નગરી કહો ગુર્જર ભૂમિ ને

સતાધારના આપા ગીગા, ને વીરપુરના

જલારામબાપા ના દર્શન કરતાં ધન્ય થયા ગુજરાતી....

ઊંચો પર્વત ગિરનારને બેઠા દતાત્રેય ભગવાન

હરરોજ નરસિંહ મહેતા કરતાં દર્શન એના 

લોકોની ઉમટે ભીડ, દર્શન કરતાં ધન્ય થતાં ગુજરાતી...

પાવાગઢમાં મહાકાળી, ચોટીલામાં ચામુંડા મતાજી

બહુચરાજીના બહુચરમાત, ભાવનગરમાં ખોડીયાર માત

માત ના પૂજા- અર્ચના કરતા ધન્ય થતાં ગુજરાતી....

સાળંગપુરમાં હનુમાન બિરાજતા, ગણેશપુરા માં

વિઘ્નહર્તા ગણેશજી, કચ્છમાં શોભે  રૂડો  માતાનો મઢ

નિત નવા  દર્શન કરતા ધન્ય થાય ગુજરાતી ....

આવી છે ગુર્જર ભૂમિ પવિત્રતાના રૂડા ધામ થકી

ધન્ય થતાં ગુજરાતી, દેશભરમાં થઈ વાતો નવી

નાના મારા પ્રયાસથી કરાવી ગુજરાતની પ્રદક્ષિણા.

By Payal Prajapati