ਮੈਂ ਤੈਨੂੰ ਪਿਆਰ ਕੀਤਾ ਸੀ

By Meet Bhinder

ਮੰਨਿਆ ਕਿ

ਜ਼ਿੰਦਗੀ ਤੋਂ ਕਦੇ-ਕਦਾਈਂ ਭੱਜ ਜਾਣ ਨੂੰ ਦਿਲ ਕਰਦੈ...

ਮੰਨਿਆ ਕਿ ਕਦੇ-ਕਦਾਈਂ

ਜ਼ਿੰਦਗੀ ਇੱਕ ਵੱਡੀ ਠੱਗ ਜਾਪਦੀ ਏ...

ਜਿਉਂ ਹਰ ਮੋੜ 'ਤੇ ਸਾਨੂੰ ਹੀ ਲੁੱਟਣ ਲਈ ਖੜੀ ਹੋਵੇ ।

ਮੰਨਿਆ ਕਿ ਕਦੇ-ਕਦਾਈਂ ਬੜਾ ਦਿਲ ਕਰਦਾ

ਇੱਕ ਬੇਵਫ਼ਾਈ ਕਰਕੇ

ਇਸ ਜ਼ਿੰਦਗੀ ਨੂੰ ਹੀ ਬੇ-ਵਫ਼ਾ ਘੋਸ਼ਿਤ ਕਰ ਦਿਆਂ ।

ਪਰ ਮੈਂ ਇਹ ਵੀ ਮੰਨਦਾ ਹਾਂ ..

ਇਹ ਦੁੱਖ-ਦਰਦ ਨੂੰ ਸਹਿੰਦੇ ਹੋਏ ਵੀ

ਪਹੁੰਚਣਾ ਹੈ ... ਜ਼ਿੰਦਗੀ ਦੇ ਉਸ ਆਖ਼ਰੀ ਧੁਰੇ ਤਕ

ਜਿੱਥੇ ਮੈਂ ਸਿਰਫ਼ ਇਹੀਓ ਕਹਾਂਗਾ,

"ਮੈਂ ਤੈਨੂੰ ਪਿਆਰ ਕੀਤਾ ਸੀ ।"

By Meet Bhinder