नवसुर्य.....

By Vikas Rajendra Pisore

विचार तुझ्या असण्या नसण्याचा नाहीच

ना मी दुर म्हणुन तु जवळ असण्याचा

ना मी स्थिर म्हणून तु फिरस्ती असण्याचा

ना मी प्रखर म्हणुन तु सौम्य असण्याचा

ना मी अमर म्हणुन तु नाशवंत असण्याचा

प्रश्न होता फक्त माझा उदय होण्याचा

तांबट पिवळसर लालभडक ज्वाळांतुन अग्निफुले

वसुंधरेच्या कुशीत सडा शिंपडत उमलावी

आणि स्वर्ण कोमल किरणांनी महाअरुला वर्ख देत

पहाटेला ही तुझं स्वप्न पडावं

इतका तेजोमयी तुझा उदय

जीवजंतूचा आधार तु सुर्य असेल

पण अज्ञान अंधाराच्या पाताळात बंदिस्त

दीनदुबळ्या जनांसी मुक्ततेच्या मशाली पेटवत

एल्गाराचा विवेक देत मानवतेला ही माझं स्वप्न पडावं

इतका ज्योतिर्गमयी माझा उदय

उद्धाराचा नवसुर्य होईल......

By Vikas Rajendra Pisore