करवून घे

By Mohini C. Halarnkar

देवा तुझ्याच साठी घेऊन आले

                  आरतीचे ताट l

हा पहा मांडला तुझ्याचसाठी

                 भक्तीचा पाट l

येऊन बस तू पाटावरती

            घे माझी आरती l

तुझ्याचमुळे ती कळली मजला

          हृदयातली आरती l

या आरतीत दंग होऊनी

          विसरले मी स्वतःला l

धार पाण्याची लागली कशी बघ

         माझ्या डोळ्याला l

नको मजला काही आता

       दे थोडी शक्ती l

ज्या कारणे तू हा जन्म दिधला

      करवून घे बेगी ती कृती l

By Mohini C. Halarnkar