उदे गं अंबे.

By Arham Sushma Sudarshan Bandekar

विश्वासाच्या नजरा घालतात तुला साद,

सत्याचा विजय करत संकटाशी करते मात;

लेकरांभवती सुरक्षा कवच जसा तुझा आशीर्वाद, 

प्रकाश पसरे जेव्हा ज्योतीला आधार देते कापसाची वात. 

लेकरांच्या उद्धारासाठी चरा-चरात अवतरली तू माऊली,

कष्टाळू मुंग्यांसमान सजली भक्तांची आवली;

यशासाठी सकारात्मकतेचे बळ मागत तुझ्या पाऊली,

नतमस्तक भक्तांच्या हाकेला तू धावली.

तुझ्या मातृत्त्वाने आम्हा गात्रं लाभला,

दुर्बुद्धि अनुसरून मानव पिसाळला;

तेव्हा खर्‍या अर्थाने लेकरा दृष्ट मारला, 

तुझ्या क्रोधाने फक्त आमचा अहंकार चिरडला. 

तुझ्या नगरीत फिरताना भासते माहेरची आमराई,

तुझ्याविना या संसाराची उत्पत्ती नाही; 

दुःखी मनाला सुखाची निशा मिळे जेव्हा गाते तू अंगाई,

जणू भक्ताला ममतेची ऊब जगात माही. 

संपूर्ण देशात झाली नवरात्र साजरी,

तुच रेणुका, सप्तश्रुंगी व तुळजाई;

होणार धन, शक्ती व ज्ञानाची भरजरी,

अनाथांची ही तूच आई...... 

उदे गं अंबाबाई!

By Arham Sushma Sudarshan Bandekar