Zindagi aur Maut Ki Sachai

By Shreya Kumari

Thoda aap muskurao, thoda hum muskurayenge,

Ek pal ki hi sahi, zindagi ko hans ke bitayenge.

Agli subah kaisi hogi, ye kisne dekha hai?

Baarish hogi ya dhoop, ye kisne dekha hai?

Pata to hume apni agli saans ka bhi nahi hai,

Kab tak chale aur achanak kab ruk jaye, iska tanik ehsaas bhi nahi hai.

Sab to bas is hawa ki lehar mein chalte ja rahe hain,

Koi janm ki khushi mein to koi maut ke gham mein bilakhte ja rahe hain.

Hum to ye sharir bhi yahi chhod jaate hain, aur baaki sab to bahut door ki baat hai,

Lekin fir bhi sab is chakachaund bhari duniya mein behte ja rahe hain.

Bhai-bhai se to kahi log ek doosre se har choti-choti baat par ladte ja rahe hain.

Kaun samjhaaye kisi ko ki vastavikta kuch aur hai is jeevan ki?

Anmol hai ye jeevan, ye uplabdhiyan, dhan, shoharat—

Kuch bhi saath nahi jaata humare.

Akele khaali haath aaye the,

Aur akele khaali haath hi jaoge, pyare.

Tum chahe hazaar koshishen hi kyu na kar lo,

Phir bhi is sharir ko nahi bacha paoge, pyare.

Mohlat koi nahi dega tumhe ek lafz bhi bolne ki,

Karm chahe kitne bhi acche kyu na ho,

Vardan koi nahi dega tumhe is dharti par shaashwat rehne ki.

Ant to ant hai, ek din sabke paas aana hi hai,

Aaj hume to kal kisi aur ko is kataar mein lana hi hai.

Aur jo ye kehte ho ki "ye hamara hai, ye maine kiya hai, ye sab kuch meri wajah se hai,"

To ek baat samajh lo aap—

Aaj aap jis vehm mein ho,

Woh ek din maut bankar sachchai dikhayega.

Aur yaad rakhna, jis din sab kuch tumhare paas hoga,

Usi din tumhare tan se saansein nikal tumhara ye ghamand tod jaayega,

By Shreya Kumari