“Yaadoon Ka Bukhaar”

By Debasree Maity

“Arrey… tum log bhi na… kabhi kabhi lagta hai hum sab ek hi disease se suffer kar rahe hain.

Naam hai - ‘Yaadoon ka Bukhaar.’

Haan, seriously…

Kisi ki yaad, kisi ki baat, kisi ki chhoti si aadat…

Jo chhodti hi nahi.

Maan lo, tumhare ex ka birthday aa raha hai.

Tum dil pe haath rakh ke bolna -

Tumhare dimaag ne bola ‘Ignore karna hai,’

Par tumhare heart ne bola - ‘Bas ek story dekh loon, usne kisko tag kiya hai.’

Aur bas… wahin barbaadi shuru.

Yaad ka problem yeh hai baba,

Yeh pinjre se udte hue panchhi jaisi hai.

Socho, agar in yaadon ko hawa mein uda diya jaye -

Tum azaad ho jaoge.

Tum ek naya ishq kar sakte ho, ek nayi kahani likh sakte ho.

Par… yaadein aisi hoti hi kahan hai?

Yeh toh aati hi barbaad karne.

Kabhi khud pe hansne pe majboor karti hain,

kabhi raat ke 3 baje tak rulati hain.

Kabhi toh aisa lagta hai -

Netflix series ka ‘Continue Watching’ button bhi band ho jaye,

Par yeh yaad naam ka season kabhi end hi nahi hota.

Aur yaad ke saath jab prem mix ho jata hai na,

Toh scene aur bhi khatarnaak.

Main maantii hoon, baba -

asli prem wahi hai jo todne ke baad bhi jodne ki wajah ban jaaye.

Jisme dard bhi ho, par wahi dard tumhe aur gehra bana de.

Jisme daag bhi ho, par wahi daag tumhari kahani ki pehchaan ban jaaye.

Par… sach bolo…

aisa prem milta kitno ko hai?

Sabko yaadein milti hain, sabko dard milta hai.

Aur hum kya karte hain?

In yaadon ko WhatsApp status, instagram, facebook story bana dete hain…

24 hours ke liye public, baaki lifetime ke liye private suffering.

[pause – look at audience, smile]

But listen… isiliye main keh rahi hoon -

Yaad ko yaad banne do.

Ishq ko ishq.

Aur prem ko ek ghar…

Kyuki agar humne yeh seekh liya na,

ki tut ke jeena bhi ek kala hai,

aur judna bhi ek mohabbat,

toh shayad…

isi uncertain duniya mein bhi,

tum aur main ek dusre ki last safe space ban jaayenge.

Aur mujhe lagta hai,

us din se na yaad barbaad karegi,

na prem thakaa dega.

Bas dono milke…

hume jeena sikha denge.” ��

Woh jo yaad hai…

Inhe agar khule aasman main,

pinjre se bahar uda diya jaye,

Shayad tum azad ho jaoge…

Aur phir, agar chaaho, toh ek naya ishq bhi basa loge.

Par yaadein aisi hi hoti hain, Barbaad karti hain…

Kisi purani diary ke panno ki tarah,

Jo sulagti rehti hain, bina aag ke.

Kabhi khud pe hansne ko majboor karti hain,

Kabhi raat ke 3 baje tak rulati hain.

Aur hum?

Hum sab yaadon ke safar mein hi jeete rehte hain,

Na poore azaad, na poore qaid.

By Debasree Maity