Woh raat hi kya

By Tania Mite

woh raat hi kya jiski subah na ho

sharmayi chand ke sang sitaare na ho

woh bachpan hi kya gar shaitaniyan na ho

khilti gulaab mein jaise khusboo na ho

woh gali hi kya jisme mod na ho

yaaron se guftagu karti mehfil na ho

woh pyaar hi kya agar dil toote na ho

bin soyi lambi raatein na ho

woh mehfil hi kya jisme jaam na ho

guitar baje aur do gazalein na ho

woh dosti hi kya agar mastiyan na ho

tang khichna aur do gaaliyan na ho

woh safar hi kya jisme rukawatein na ho

kahaniyon se bhari yaadein na ho

woh baatein bhi kya jisme bigadna na ho

thodi jhut aur thoda sach na ho

woh jawaani hi kya jismein pagalpan na ho

galtiyon se bhari apni khud ki potli na ho

woh umar ki dehliz hi kya gar samajhdari na ho

kaun apna aur paraya ki pehchaan na ho

woh aasun hi kya jo palkon se chalakta na ho

milne aur bichadne ki daastan bayaan na ho

woh sagar hi kya jismein lehrein na ho

kashtiyon ka doobna sawarna na ho

woh dhun hi kya jisme sur na ho

chai mein jaise adrak ka swaad na ho

woh intezaar hi kya jisme becheni na ho

dhoop mein khada lekin paseena na ho

woh jeet hi kya jismein haar na ho

gir ke shambalne ka mauka na ho

woh zindagi hi kya jismein zid na ho

maut aa jaye par jhukna na ho

By Tania Mite