Woh Aakhri Muskaan........

By Rishika Makharia

Pathshala ki ghanti bajne par

Chale jate hum mast hokar

Haath mein botal aur tiffin ka dabba lekar

Apne uss pyare dost ke paas

Jo khada rehta din raat chaya lekar

Uske neeche baithkar hum dost yaar

Khelte khate aur karte takraar

Masti mein jhoomte uski baahon mein

Meethe raseele fal deta hume woh raahon mein

Patta patta khil khilata uska jab baarish hoti

Tip tip boonde tehniyon se tapakti rehti

Pakad uske tanhe ko chupan chupaayi khelte hum

Uski goad mein surakshit mehsoos karte hum

Vriksha nahi hissa ban chuka tha hamara

Bin humse pooche kaise kisine use kaat dala

Bas garmi ki chuttiyon ki doori ki baat hui thi hamari

Kisi ne bin kahe hamari duniya hi badal daali

Uski baatein sirf humne suni thi

Hamari chehak mein uski Rahat chupi thi

Uske falon ke swad ka naata hamari muskurahat se tha

Woh Vriksha dost tha jo bin kahe bahut kuch humse

kehta tha……….

By Rishika Makharia