Vo Chand Jo Mujhe Mai Banata Hai

By Vaishnavi Mandle

Ke aaj mn kiya khud ko bnjaro sa ghumne ki ijaazat Dene ko 

Mn kiya us Chand ki roshni ko mere gaalo ko choomne ki ijaazat Dene ko

Ke jab vo thnadi havan ke jhokon ne meri zulfon ko chu kr uljhaya tha 

Us samay shayad usne un zulfon ko uljha kr mujhko suljhaya tha

Ek sukoon sa mujhe jaise us Andheri raat ne ehsaas kraya tha

Pehli baar esa hua ke kisi ko apne saare Raaz batane se mai nhi katraya tha

Usne mujhe auro ke tarah galat nhi smjha mai jaisa tha us Chand ko mai vaisa hi bhaya  tha

Aashcharya ki baat h n?

Usne suna mujhe sansaar se behtar

Usne smjha mujhe kisi insaan se behtar

Usne jaana mujhe mere jaankar se behtar

Aur usne pehchana mujhe mujhse behtar

Vo Chand ab mera dost bn Chuka h,

Haan usse Milne ke liye thoda intezaar karna pdhta h

Lekin jb pure din ki jattojehet ke baad usse milta hu na to lgta hai meri nirasha pareshani thakawat sabkuch jaise vo apni or kheech leta hai , aur mujhme jaise nhi umang bhardeta hai

Vo bhot niswarth hai-

Uske Daman mai bhi daag hazar hai magar vo auro ke aangan mai Ishq barsata hai 

Vo janta hai ki vo bohoto ke pyaar ki nishani hai aur phir vo unka sakshi bn jata h

Vo janata hai vo bohoto ki justuju ka zariya hai

Phir bhi vo apne aap mai ghamand ka ek tinka panapne nhi deta vo to ek pyaar ka dariya bn jata hai

Ye Chand mujhe mai bnata hai 

Shyd isliye mere Dil ko mera ye dost bdaa bhata hai!!❤

By Vaishnavi Mandle