Vishwaas

By Shama Afroz

Vishwaas hi toh khaas hai, har rishte ki, har aastha ki, har umeed ki, neev vishwaas hai.

Mana vishwaas me vish waas hai, par fir bhi ye khaas hai.

Har kathinaiyon se ladna ye sikhata hai, jeevan me ek umeed jagata hai, vishwaas hi toh hai jo hume aagey bardhta hai.

Bure samaye me himmat dilata hai, andhkaar me roshni tak le jata hai, jeevan me nayi umaag jagata hai.

Vishwaas hi toh hai jo pathar ki murat ko bhgwaan banata hai, anjani si takat ko Khuda banata, shunay (0) se shuru hokar shunay (0) par khatam ho jata, jahan dimaag isthir ho jata hai, wahin vishwaas karishma dikhta hai.

Vishwaas hi toh khaas hai, har rishte ki, har aastha ki, har umeed ki, neev vishwaas hai.

Vishwaas hi toh khaas hai.

By Shama Afroz