Tutate Dekha

By Piyush Mohandas Kharade

Maine waqt ko tutate dekha,

Us roz maa apne bete ki aakhri saans dekh rahi thi,

Maine jazbaat ko tutate dekha.

Maine kismat ko tutate dekha,

Us roz maine kachre mein pade ek bache ko rote dekha,

Maine lakeer ko tutate dekha.

Maine pyaar ko tutate dekha,

Us roz maine ek bachhda raste par pada dekha,

Maine uski maa ko logon se jhagadte dekha,

Maine logon ko nazar andaz karte dekha.

Maine kasmein tutate dekhi,

Us roz maine apne dost ko bina khaye bolte dekha,

Maine bhook ko tutate dekha.

Maine yaari ko tutate dekha,

Us roz maine apne yaar ko bachane ke liye aspataal mein ek dost ko jhagadte dekha,

Maine niyat ko tutate dekha.

Maine rishte ko tutate dekha,

Us roz maine ek anath ko nayi ghar mein aate dekha,

Maine apne pan ko tutate dekha.

Maine sahas ko tutate dekha,

Us roz jab ek pati se pitati patni ko ulta jawab dete dekha,

Maine himmat ko tutate dekha.

By Piyush Mohandas Kharade