Tumse Milna

By Shreya Kumari

Tujhse milna meri khush-naseebi thi,

Tujhse bichhadna meri maut hogi.

Tujhme hi kho jaana mera sukoon tha,

Tujhko har waqt apna keh jaana hi mera junoon tha.

Tere bagair nahi tha kahin thikaana mera,

Bas tera haath mere kandhe pe ho, yahi tha ek sahaara mera.

Pata hai, tere chehre pe jab muskaan aati thi na,

Toh mere chehre ka noor badh jaata tha 

Bas tere hone se hi meri umar badh jaati thi.

Teri udaasi, teri pareshani,

Mere chehre tak nazar aati thi.

Utar jaata tha mera chehra tujhe udaas dekh kar.

Sab kehte the,

"Kyun utra hua hai chehra tumhara?" Mujhe dekh 

Kaise bataati unko ki yeh asar toh kisi aur ke udaas hone ka hai.

Main toh khushmizaaz insaan hoon,

Yeh udaasi toh kisi aur ke pareshaan hone ki hai.

Tujhe pata hai,

Humesha khush ho jaati thi main teri barkat se.

Fark padta tha mujhe teri har ek harkat se.

Tu jaanta tha na,

Is mamle mein bahut naazuk hoon main,

Isliye aksar ruth jaati thi main teri har choti si galtiyon pe.

Nahi chahti thi main ki tu kare wo jo mujhe pasand nahi,

Phir bhi karta tha tu aksar wahi jisse hoti nhi thi main  khush kabhi .

Tere liye pyaar ki saari hadein paar kar di maine,

Ghar, rishtedaar, yahan tak ki apnon se lad li thi maine.

Kyuki tujhe paane ki wo zidd jo thi,

Mushkil raahon par bhi chal deti thi main.

Kyuki tujhe khone Ki wo khauf jo tha,

Tere liye har dard seh jaati thi main,

Jiski kabhi koi had na thi.

Paagal thi main yaarrrr,

Paagal thi main tere pyaar mein.

Din raat bas tu hi tu ye soch,

Ghayal thi main tere didaar mein.

Na koi aur dikhta tha, na duniya ka koi shor,

Tum tak rehna, aur ek din tum mein hi sama jaana —

Har subah bas wahi mod dikhta tha.

Yaarrrr,

Kaise bataun tujhe ki

Tumse door hona, tumhe khona mere liye naamumkin sa hai.

Tumhe bhool jaana toh bas ek jhootha yakeen sa hai.

Aur…

Gale lag ke jab sunti hoon na teri dhadkano ki awaaz,

Toh yaqeen jaan, wo awaaz meri rooh ke liye sukoon sa hai.

Nahi jaanti mere naseeb mein teri mohabbat likhi hai ya nahi,

Lekin koi lamha tere bagair jeena pade,

Yaar, wo har lamha mere liye ek adhura junoon sa hai.

By Shreya Kumari