Tu Paas Nahi Hai

By Ruchika Khandelwal

Intro- This poem is dedicated to all the kids who have lost their father for some good cause.

Here, a slightly mature kid is talking to her/his father about they may feel after knowing the fact that their father is not around.

Tu paas nahi hai,

Saaya tera saath nahi hai.

Dhoop se bichad ke chal nahi paata,

Kyunki sar pe tera haath nahi hai

Iss jahan mein hu,

Achchi baaton se zara begaan main hu.

Apno ko khush rakhne mein thoda beimaan main hu

Papa!, thoda nadaan main hu

Thand mein thithurta nahi

Garm dhoop mein main pighalta nahi

Phir rahat bhari saans bhi hu kabhi kho jaata

Kyunki teri baahon ka woh mazboot andhera mujhe gherta nahi

Koi mujhe puchta hai,

Toh bolta hu sab sahi hai.

Koi jaan na chahe mera haal toh,

Pehle jaisa tha ab bhi wahi hai.

Par ek baat toh hai,

Jo abhi bhi ankahi hai,

Woh baat alag hai,

Ki nahi woh nayi hai.

Teri namaujudgi khalti hai mujhe,

Intezaar ki ye na tutne waali ghadi

Phalti nahi hai mujhe.

Sochta hu Mummy ko bayan kardu ashq apne,

Par unhi ashqon ko sine se lapete

Mujhko dekh khushi manati mummy ki chubhan

jalti hai mujhe

Kehti hain Mummy ki Papa,

Aapke hisse ki zindagi jeene ki zimmedari hai mujhpar

Par aap ke baare mein puchte anjaan chehron mein apki kami mehsoos karne ki davedaari bhi toh hai mujhpar

Jo woh mujhse hamdardi na jatayein,

Haan main roz sabko haste haste sachchai toh bata jaata hu.

Par ye bhi toh sach hai,

Ki raaste aapse milne ke har aor se band hain,

Ye kehte kehte main khud ko bhi

kabhi nahi bhata hu.

Woh baat alag hai ki,

Aap ko dhoor se bhi khush rakhne ki chahat mein papa,

Main roz boondh boondh zindagi toh jee hi jaata hu

By Ruchika Khandelwal