Tu Na Aana idhar

By Khan Firdous

Aaj mujhko mili ek aisi khabar

Jise sun ke mujhe lagta hai darr

Pata chala hai mujhe ye ki ek nanha mehmaan aane ko hai jald hi mere ghar

Buri nahi hai maa teri, itna tu samajh lena

Chahat hai mujhe bhi teri ,par beti  tu na aana idhar

Ye teri hi kok se na chahenge tujhe,

Karenge teri ye pooja magar

Koi rehmat kahega, koyi utarega aarti teri

Tu bojh to sab pe hi rahegi par

Tujhe rulayenge pal pal aazmayenge pal pal

Aur hoga na tera koi apna hi ghar

Tu reh jayegi akeli yaha, ae beti tu na aana idhar.

By Khan Firdous