Truck Ka Safar

By Sanket S. Tripathi

Kabhi truck me driver ke bagal baithe h?

Mujhe ek baar mauka mila tha

Driver k theek bagal me baithne ka

Aage ki seat par baith kar safar karne ka

Badi si kanch ke uss taraf sadak

Hamare truck ke neeche se guzar rahi thi

Aur ussi badi si truck ke iss taraf

Mai aur truck driver apni apni duniya me khoye the

Raste wahi thi, gaadiya bhi wahi thi

Raste se chalte hue log, sadak ke kinaare ke dukaan, makaan

Waise hi the jaise pehle hua karte the

Par na jaane q, truck ki uchai se wahi saari gaadiyan, log, makaan, dukaan

Baune nazaar aa rahe the, chhote nazar aa rahe the

Mano agar thoda zor se phuk du, to ye sab udd jaaenge, gir jaenge

Truck par baith kar aisa lag rha tha jaise

Truck ki saari shakti mujhe me aa gai ho

Tabhi khayal aaya, k agar mujhe aisa feel ho rha h

To truck ki kamaan jiske haath me hai usse kaisa lag rha hoga?

Truck ki asli taaqat to uske haath me hai

Wo jab chaahe, jisko chahe,

Halke se dhakke se gira sakta h

Maar sakta h

Par wo aisa karta nahi h

Qki usse darr h ki uske bhi upar ek shakti h, kanoon hai, log hai

Jo iske apni shakti ka durupayog karne ki saza denge

Kya aisa hi darr samaaj me rehne wale tathakathit taqat war logo me bhi hoga?

Kya unhe bhi lagta hoga ki unke upar bhi koi hai jo unke galat karmo ki saza dega!

Sansaaaar dekh kar lagta to nahi

By Sanket S. Tripathi