Tere Saath Subha

By Gobind Singh Anand

Uss roz ka intezaar hai, 

jab tere saath subha hogi, 

Jab tere liye hi jeeyenge, 

jab teri hi arz ataah hogi, 

Jab baahon mein bharloge tum,

Teri god mein mili panahh hogi, 

jab ishq qabool karoge tum, 

do jism bhale ik jaan hogi, 

na darr hoga kisi shaqs ka, 

na duniya ki parwaah hogi! 

Uss roz ka intezaar hai, 

jab tere saath subha hogi, 

jab tere liye hi jeeyenge, 

jab teri hi arz ataah hogi ! 

Gayenge nagmein tere liye, 

har chaahat lafz bayaan hogi, 

na kuch phir tumse chupayeinge, 

na hi saare baatein bata hongi, 

har lamha khul ke jeeyeinge, 

mein parwana toh tum shama hogi, 

maana hum door bhale hon abhi,

 yeh doori nhi sadaah hogi! 

Uss roz ka intezaar hai, 

jab tere saath subha hogi, 

Jab tere liye hi jeeyenge, 

jab teri hi arz ataah hogi ! 

Kabhi humein shikayat hogi toh ,

kabhi tum bhi mujhse khaffah hogi, 

Shiqwe saare mitt jayenge ,

Dil mein bass ek waffaah hogi,

Jabb tu hi rogh mera hoga, 

Aur tu hi meri dawah hogi, 

Harr raat mein chaand shamil hoga,

Na raat koi tanha hogi,

Uss roz ka intezaar hai, 

jab tere saath subha hogi, 

Jab tere liye hi jeeyenge, 

jab teri hi arz ataah hogi ! 

By Gobind Singh Anand