Taqdeer aur Meri Sharte

By Pritha Singh

Kuch iss qadar kamzor thi,

Ki apne acche karmo pe bhi saahas na tha.

Aur aj waqt ne kuch yun khela,

Ab apni taqdeer bhi apne sharton pe aazma rahi,

Aasan nahi tha, wo safar.

Jab masoomiyat se ki gai galti par,

usse niyat ka ashay dia jaata tha,

Chodh diya Maine sab kuch samay par.

Ab apni taqdeer bhi apne sharton pe aazma rahi,

Ab farq nahi ki dusre kya sochenge,

kyuki mujhe mera lakshay ab saaf dikhta hai.

In chhoti-moti chizo se ab itni upar uth chuki,

Ab apni taqdeer bhi apne sharton pe aazma rahi.

Unn jese tokne wale toh ab raah chalte milenge.

Bas ab darungi nahi,

Din wo bhi bhot jald aayega,

Jo apne lafzo se tumhe shant karungi.

Chod diya maine sab kuch samay par,

Ab apni taqdeer bhi apne sharton pe aazma rahi.

By Pritha Singh