Taqaaza-e-Waqt

By Rashid Zahid Sarang

Subah train pakadne ki daud se lekar raat me thak-haar ke bistar par pahuchne ki kash-ma-kash Tak, ye waqt kaha nikal jaata hai?

Ye Jo zimme hai mere, ye zimmedariyo ko pura karte-karte ye waqt kaha nikal jaata hai?

Ye Jo seekhne-seekhane ke justuju me jo itna wakt waqf karta hu, uska anjaam kya hota hai?

Mat puchna mujhse, Tu kaha rehta hai?  kya karta rehta hai? 

Kabhi-kabhi sochta hu, ke ye jo mere bas me nahi hai, to ye sab peeche chod du kya? Mai Jo nahi hu wo ban jau kya? 

Shaayad mujhe usme hi koi ruhani ilaj mile, aur Jo mujhse pyaar karte hai unka pyaar mile,

Shaayad mujhe usme hi sukoon mile. Shaayad phir hi jaake mujhe wo waqt mile, Mujhe mai milu, mere khwaab mile, meri zindagi ko ek anjaam mile...

Ye taqaaza-e-waqt se thoda araam mile

By Rashid Zahid Sarang