Swapn

By Deepanshu Sharma

Aasman ke paar shayad ek aur aasman hoga

Uska bhi apna ek sooraj, apna ek chand hoga

Aur uss aasman tale honge

Yeh nadiyan yeh pahaad

Yeh jharne yeh talaab

Yeh ped yeh podhe

Vaadiyon mein behti thandi pawan ke jhonke

Woh har shaam ko mey mein doobe kuch insaan roopi putle

Woh mohabbat ke waade

Woh wafa ke iraade

Woh tanhai ka aalam

Woh bheega bheega sa saawan

Kuch khuli aankhon ke sapne

Kuch akelepan ki nagmein

Kuch yaadon ki baraat

Kuch rusvai ke jazbaat

Kuch uski ibaadat

Kuch uski karaamat

Hoga toh bohut kuch us aasman tale

Bas dua itni hai

Ki na koi jaati ho, na dharm, 

Na hi chhal, na hi kapat,

Na hi pakhand, na hi duwesh 

Ek shabd mein kahun to yeh rajneeti na ho

Bas muhabbat ho, 

ishq ho, 

ho ibaadat ek dusre ki…

Haan aasman ke paar shayad ek aur aasman hoga…

By Deepanshu Sharma