Sundar

By Pooja Shetty

Kisi ne kahan sar dhak do

Kisi ne kahan baal baandh do

Kisi ne kahan inhe kaat do

Kahin logon ko nazar na aa jau

Kahin khuli tijori na ban jau

Isiliye apne aap ko chota kar deti hoon

Saamne kitabein aur peeche bag daal kar adrishya ho jaati hoon

Par aise darr darr ke kyun jeeyu

In baalon ka kya dosh,

Dosh toh logon ki nazaron ka hai

Jo meri shamta nahi, meri sundarta ko tolte hai

Par ab nahi,

Baal bhi khulenge, hum bhi nahi rukenge

Harkatein tumhe badalni padegi

Nazaron mein sharm tumne laani padegi

Kyunki hoon mein sundar, isse kyun chipau

Ab meri mazaron mein kajal hoga, par woh jhukengi nahi

Ab baal lehrayenge, bandhenge nahi

Ab hoton pe rang hoga, awaaz pe rok nahi

Kyunki hoon mein sundar, aur uspar tumhara koi haq nahi!

By Pooja Shetty