Suicide - By Zinnia Khan

Written By: Zinnia khan

Category: Poetry

Competition: Poetry and Creative Writing Competition 2026

Zinnia Khan presents a deeply introspective piece titled "Suicide," featured in the Poetry category of the Poetry and Creative Writing Competition 2026. This powerful work sheds light on the silent battles that individuals face, often hidden beneath the surface. Through poignant verses, Zinnia captures the intense emotions and thoughts that accompany such struggles, encouraging readers to reflect on the complexities of mental health and the profound impact of empathy and understanding.

About the Work

"Suicide" by Zinnia Khan is a stirring exploration of the internal conflicts and despair that lead individuals to consider ending their own lives. With raw honesty, the poem highlights the importance of listening and understanding, portraying the profound isolation felt by those in distress. Through vivid imagery and heartfelt emotion, Zinnia implores readers to recognize the signs of struggle and to offer a compassionate ear, underlining the power of human connection in alleviating pain.

Suicide

Original Submission by Zinnia khan

Kuch log chod ke bas ekdam se chale Jate hain

Aankh band karne se pehle wo kai bar marte hain

Apno ka sath nibha pate nahin

Wo andheron me kahin kho jana chahte hain

Kyunki duniya ki chaka chaund ab unhe achi lagti nahi

Or unka akelapan unhe chodke jata nahi

Kyun chunte hain wo itna mushkil rasta?

kyun ki unke andar ka andhera koi dekh pata nahin

Unke dard ki cheekhen koi sun pata nahin

Sochte to honge kai bar ki sabse asaan maut konsi hogi

Phansi lagaun, koi dawa khaun ya kahin se kood jaun

Kisme dard sabse kam hota hoga

Ya phir bas bina soche samjhe kar jate honge

Wo ruk Jaate agar ham do pal baithkar bas unhe sun pate

theher Jaate wo agar hum na Kehte ki

“Yeh to bas choti choti baten hain”

Par unke jaane ke baad bhi log badi asani se Keh dete hain “Yeh to koi baat nahin thi Itna bada kadam uthane wali”

kabhi kabhi ek choti si baat bhi bohot badi ban Jati hai

Bahut saari choti choti baaten milke ek zakhm Ban Jaati Hain

Har insan ke sochne ka tarika hota hai alag

Alag hota hai bardasht karne ka maadda

Kisi ko badi se badi bat pe bhi sabr aajata hai

Or koi choti si bat bhi bhool pata nahi

Par isme uski kya galti hai

banaya hai rab ne har insan ko alag

Bas sabko ye bat samajh ati nahi

Yeh to samajh aata hai ki dard dene wale ko ehsaas nahin

Par hamare apne bhi kyun is dard ko samajh pate nahin

ki Jab usne apni saanse rokne ka socha hoga to kitna dara hoga woh

Jab usne pehli koshish ki hogi to kaise dard se sehma hoga woh

Bas keh dete hain…” kitna buzdil tha wo jo apni jaan leli”

pata nahin hai shayad unko ki kitni himmat chahiye apne wajood ko khatam karne ke liye

Ki jab usne yeh kadam uthaya hoga

Use kuch na samajh aaya hoga

Sun ho gaya hoga dimaagh uska

Sabr bhi uska saath na de paya hoga

Ye koshish usne isse pehle bhi kai bar ki hogi shayad

Par phir apne apko samjha bujhake rok liya hoga

Fikr karke kabhi apne maa Baap ki to kabhi apne Jeevan saathi aur bachchon ki

to kabhi dar ke apne Rab se

pata nahin kitni baar ye socha hoga

ki nahi karna mujhe aisa kaam

Jo karne par mere jaane ke baad bhi har koi mere wajood par sawaal uthayega

Kahaniya banengi, mudde uthenge

Har koi bas yehi kahega

“kitna kamzor tha wo Jo apni zimmedariyon ko chod kar nikal gaya

Yeh kehna bada aasan hai ki woh kisi se apne dil ki baat karta nahin

tum kabil to bano ki woh apna dil khol ke rakh paye tumhare samne

Baitho, suno aur samjho uski baat

Zaroori nahi har baat pe salah dena

kabhi kabhi bas chup rehke sun lena chahiye

Agar shikayat kare tumse tumhari

to bajaye naraaz ho jaane Ke

Uski takleef ko samajhne ki koshish karo

Agar shikayat kare kisi aur ki tumse to bajaye yeh Kehne ke “ ki tum sochte bohot Ho”

Keh do ki “Main Samajhta hoon tumhare ehsaas ko”

Bas wo ek lamha hota hai

Jab dil mein aisa dard uthta hai

ki faisla wo jane ka ekdam se kar leta hai

Kahin usi lamhe pe koi use tok de

Haath thamle or uska dil tatol le

To wo ruk Jayega

Par us lamhe pe maujood hona bada mushkil hota hai

Isiliye zaroori hai ki us lamhe ke aane se pehle hi koi use rokle

Aasan nahin hai kisi ke dil ki baat samajhna

Kai baar uske saath baithna padta hai

Gaur se uski baat Sunni padti hai

Sabr se usko samajhna padta hai

Par har kisi ke bas ki yeh baat nahin

ki ehsaas dila paye use ki woh kitna zaroori hai is duniya ke liye

uska apnon ko chodke ke jaana hoga nahin sahi

Aise maukon pe dost bade kaam aate hain

aur Jo Doston se bhi ho ghareeb woh log apne aapko nahi bacha paate hain

Dost bhi soch samajh ke chunna yaaron

ki woh log hote hain bohot ameer Jo dost sachche bana pate hain

Uske jaane ke baad bas ek afsos reh jata hai

Ki kash ke sahi waqt par pohoch jaate ham

Rok lete use or mana lete hum

Kash ki pooch pate usse “kya pareshan kar raha hai tumhe”

Uske dil ka haal samajh paate hum

Yeh Jo kasak dil mein reh jaati hai

Yeh aansu banke kai baar gir jaati hai

Par khatam na ho pati hai

kyunki yaad uski badi aati hai

Soch ke ki kyun nahin pohoch paye sahi waqt par

Jaan nikal si jaati hai

About the Competition

The Poetry and Creative Writing Competition 2026 by Hashtag Kalakar is a celebration of expressive writing, inviting participants from around the world to share their unique voices. This prestigious event showcases a diverse range of genres, offering a platform for emerging and established writers to connect with audiences and explore the depths of human experience through the written word.

We extend our heartfelt thanks to Zinnia Khan for her contribution to the Poetry and Creative Writing Competition 2026. Her poem "Suicide" is a poignant reminder of the unseen struggles many face and the profound impact of empathy. Thank you, Zinnia, for sharing such a meaningful piece with us.

About Hashtag Kalakar

Hashtag Kalakar is a creative platform dedicated to providing artists, writers, singers and other creative talents with opportunities to showcase their work and reach wider audiences through competitions, features and creative initiatives.