Soulmate (Soul To Soul Connection)

By Jyoti kumari

Chhavi ne puchha Arbi se, hum kaha ja rahe hai? Arbi ne bola “yaar mom ka call aya tha sabhi dost ki shadi ho chuki hai mere, bas mai hi reh gayi hu to unhone bola ja kar tarot card reader se milne, jaanti hi ho ma logo ko!

Chhavi ne bola “tarot reader kyun? Wo kya shaadi kar wayenge tumhari aur dono hasne lage…

Jab Arbi aur Chhavi tarot reader k pas aaye toh Pridum jo ki tarot reader thi unhone card ke help se bola apke life me apka past lover ayenge wapas aur unhi se apki shadi hogi. Arbi ne bola “past par kon wala??” Chhavi ne Arbi ka chehra dekha to Arbi ne bola “yaar do past hai mere” to Chhavi ne bola “jo aayega samjh lena wahi hai pagal ladki”.

Pridum ne aur kuchh baate batai jisse Arbi shocked thi kyunki wo baate such thi. Tabhi Pridum ka dhyan Chhavi pe gaya usne puchha Do you want any help dear?? Chhavi ne bola “ni” to Arbi ne bola mujhe jaana hai ye ladki single se mingle kab hogi.

Pridum ne Chhavi se bola kaafi positive aura hai tumhara aur dil bhi bahot baar tuta hai, tum nahi bhi chahogi to bhi tumhari achhai se log tumse attract ho jaate hai.

Chhavi bas sunn ri thi, chahti to wo v thi janna ki kya hai koi uske liye bhi jaise wo thi kabhi kisi ke liye par wo ye sab me believe nahi karti thi.

Tabhi Pridum ne bola Chhavi tumhara dil bahot buri tarah tuta hai sirf pyar me nahi dosti me v aur ristey me bhi ab tum muskil se bharosa karti ho kisi pe bhi, Chhavi k saamne maano kisi ne uska past hi rakh dia ho utha kar. Pridum ne bola “tumhara soul bahot hi pure hai, wo ek true love deserve karta hai Chhavi, jo iss baar insaan tumhari life me ayega wo fir se tumhe pyar karna sikhayega, pyar ka matlab smjhayega aur fir se pyar pe bharosa karna batayega aur tumhe lagega ki sab kuchh ek sapna sa hai par universe tumhare liye kuchh achha plan kar raha hai bas tumhe fir se khud se pyar karna sikhna hoga, khud k ander jo dard hai usko khud se heal karna hoga, tum jo ab tak apna waqt dusro me laga deti thi wo waqt tumhe khud ko dena hoga tabhi ye insaan tumhari zindagi me ayega.

Par

Tabhi Arbi ne bola “par kya matlab” Chhavi se jada Arbi ko interest a raha tha! Pridum ne bola inke life me do insaan ek hi waqt me ayenge aur kuchh waqt ke baad inke past ka koi ek insaan bhi wapas ayega ab inhe samjhna hoga ki inka soul connection kiske sath hai aur inka soulmate kon hai. Chhavi ni bola par pata kaise chalega kon hai wo?? Pridum ne bola jab wo insaan apke life me ayenge to apki life puri tarah badal jayegi sab kuchh achha hone lagega aapne socha bhi nahi hoga, wo insaan jab jab apke karib hoga ap khud ko pura mehsus karengi.

Chhavi ne bola aisa hota thodi hai aur usne smile kiya, (Wo bas yuhi le ri thi Pridum k baato ko).

Pridum ne bola “jab aisa ho to aap wapas aana jarur.”

(Fir Arbi aur Chhavi waha se wapas PG me aagye).

Arbi ne bola “such me Tu trust karti hai insab baato pe??”

Chhavi ne bola “pata nahi yaar mai pyaar pe hi trust nahi karti in baato pe kya hi karungi.”

Dusre din Chhavi ne jogging ke liye bahar jana start kar diya kyunki usey lag raha tha ki uska weight badh gaya hai fir se, fir wo khud ko mirror k saamne dekhte rehti. Sath me apne career pe dhyan dene lagi, wo Pridum ke baato ko bhul hi gayi thi jaise par Arbi usey yaad dila deti thi..

Arbi ne bola “yaar kab ayega ye insaan meri life me?” Do no me se hai kon, almost 3 month ja chuke hai.

Next day uske dost ka message tha ki wo Bangalore aa raha tha, usne new job ke liye apply kiya hai ye wahi insaan tha jiska Arbi k sath breakup bas distance ki wajah se huwa tha, Arbi k dil me abhi bhi uske liye soft corner to tha kyunki kabhi kabhi wo uski baate karti thi Arzoo naam tha uska.

Arbi Chhavi ko batane aai yaar Pridum ne jo bola tha lag ra hone wala hai tujhe pata hai Arzoo bangalore shift ho ra usne job change kar li, yaar wo yaha aa raha hai matlab Arbi k chehre pe jo smile dikh ri thi alag hi thi wo blush kar rahi thi.

Chhavi ne socha such me kya aisa kuchh ho sakta hai.

Chhavi ko pata bhi nahi tha par wo khud ko waqt de rahi thi apne liye sochne lagi thi aur kahi na kahi khud ko appreciate bhi karti thi.. Yahi to self love jo anjaane me hi wo kar rahi thi khud se....

January ka time tha Chhavi ke final exams over ho chuke the ghar se call aya tha us ke cousin ki shaadi hai to usne decide kiya ki wo jayegi waise bhi bahot waqt ho chuka tha sabhi se mile huwe, usne flight ticket book kar diya.

February 13th uska flight tha, wo airport ke liye nikal chuki thi jaise hi airport pahuchi usne time dekha aur bola yaar abhi 11:11 ho raha hai flight meri 1:30 pe hai mai kya karungi tab tak!

Usne mann me hi bola jab mai jaldi aati hu to jada hi jaldi a jaati hu airport nahi to puri tarah late hi ho jaati hu. Chhavi ne luggage counter pe luggage diya aur fir udher se aane lagi abhi wo soch ri thi ki gate. No 23 kaha hoga tabhi kisi ko sayad bahot jaldi thi jaane ki to usse Chhavi ko dhkka laga to Chhavi dis-balance hui to kisi ne uska hath pakad liya.. Fir awaz aya “Hey are you okay??” Chhavi ko kuchh samjh hi nahi a ra tha ki hua kya hai wo hath pakade insaan ko dekh ri thi par chehre pe mask tha. Chhavi abhi thoda normal hui hi thi tabhi airport ka ek officer bhi waha aa gaya aur usne bola all okay mam, sir??

Chhavi ne bola yeah I am okay par usko lag ra tha jaise kuch to hai bahot ajeeb sa mehsus ho ra. Wo insaan jisne Chhavi ka hath pakda tha sambhalne ke liye wo fir jaane laga lekin wo officer wahi tha, chhavi ne socha mask kaafi suffocating hai to change kar leti hun jaise hi chhavi ne mask hataya kisi ne bola hey miss Pathak, Chhavi ne dekha to wo officer hi tha usne uska naam dekha to Mr. Varun tha.. Chhavi ne bola tum?? Varun ne bola han ji mai aap ghar ja rahi ho?

Chhavi, Varun se Instagram pe mili thi coincidentally wo Arbi ke dating aap pe apna id daal rakha tha to Arbi ne Chhavi ko hi bola tha check karne. Arbi ki to baat nahi hui Varun se par Chhavi ki baat hone lagi thi fir usey jada hi formal lagne laga tha kyunki wo tha bhi to naya Chhavi ke liye to Chhavi ne baat hi karna band kar diya tha ya yu bolo ki Insta pe ab wo active hi nahi rehti thi.

5 month ho chuke the par Chhavi ko achha laga atleast varun ko wo yaad to hai na, waise wo Varun ko Mr. Gayab bulati hai kyunki wo har 2min me kaam ki wajah se hi, par gayab ho jata tha.

Varun ne bola wow! hume milna bhi tha to aise! Mujhe nahi pata tha hum aise milenge Miss Pathak.

Chhavi ne bola han Mr. Gayab mujhe bhi nahi pata tha.

Varun ne bola wo ladka kon tha jiske sath aap yaha the ?? Chhavi ne bola pata nahi mai thoda imbalance si ho gayi thi to usne bas girne se bachaya mujhe.

Varun ne puchha apka flight kab board hoga?!

Chhavi ne bola 1:30 pe abhi almost 1hour hai.

Varun ne gate no. Puchha aur fir bola kuchh khaya to hoga nahi tumne , Chhavi ne bola tumhe kaise pata?

Varun ne bola mujhe yaad hai tumne bola tha tum travel karne se pahle kuchh kha ni paati.

Fir Varun ne bola coffee pina hai mere pass abhi half hour ka break hai, Chhavi ne bola okay.

Varun ne do sandwich aur do coffee order kiya aur wo Chhavi se puchhne laga ghar ja rahe exams ho gaye apke?? Ye sab baate ho ri thi tab tak coffee aur sandwich bhi aagya tha do no baate kar rahe the tabhi kisi ne bola excuse me tumhra ring mere hath me hi reh gaya tha Chhavi ne jab dekh to wo wahi insaan tha jisne chhavi ko girne se sambhala tha.

Wo ab v mask me hi tha, Chaavi usey dekh ri thi aur Varun Chhavi ko. Pata nahi uske aane se ya kya par Chhavi ko ajeeb sa mehsus ho ra tha ander se . Wo chala gaya to Varun ne puchha aap thik hai Miss Pathak, Chhavi ne bola yeah, I am fine fir Chhavi ne bola mujhe jana hoga bas half hour hai udher checking wegra me bhi time lagega.

Varun ne bola han chalo mai sath me chalta hun fir mai apne zone me ajaunga, do no baate kar rahe the Varun hasa ra tha Chhavi ko, Chhavi ko achha lag ra tha sab kuchh thoda weird sa thoda mix feelings tha ander pahli baar usey airport pe time ka pata nahi chala.. Varun ne jab Chhavi ko boarding gate tak drop kiya to usne bola wapas kab aaoge aap? Jab bhi aana to please mujhe batana fir hum milte hai wapas se.

Chhavi ne bola han pakka fir Varun ne contact no. ke liye bola to Chhavi ne bola mai bhej dungi fir Chhavi flight me baith gayi aur Varun apne work zone me chala gaya.

Chhavi soch hi rahi thi ki ho kya raha hai uske sath tabhi samne se wo insaan dikha ata.

Arey ye iss flight me kya! ye bhi jodhpur ja ra? Chhavi surprised thi fir usne mann me socha ye mask man meri jagah pe bas na aye baithne tabhi us insaan ne Chhavi ko dekhte bola Hey miss are you okay na? Chhavi ne bola yup I am good now.

Aur wo insaan agey badh gaya .

Travel k baad jab Jodhpur pahuche to samne chhavi k cousin aur bade bhai the jo usey receive karne aye the jab sabhi car me baithne ja rahe the tabhi Chhavi ko wo mask man dikha usne apna mask hataya aur car me baith gaya pata nahi par koi to usey lene aye the aisa lag raha tha.

Chhavi apne cousin se baate kar rahi thi ye wahi tha jo Chhavi se bas 9 month bada tha issi ki shadi thi, Jeevan naam tha.

Jeevan ne bola Chhavi meri shaadi tujhse pahle thik hogayi yaar par Mami ji ne mom ko bola hai ek ladka a raha teri hone wali bhabhi ke family friend ka beta hai wo bhi sayad bangalore se hi a raha tha, tujhe koi dikha kya??

Chhavi ne bola kya bhaiya itne saare log to the mujhe kaise hi pata chalega kon hai wo, mai to jaanti bhi nahi ki tumhare saath saath mera kaam tamam karne ka plan family walo ka, Chhavi ne bola hi aise ki do no bhai uske hasne lage.

Chhavi fir mask man k baare me sochne lagi , tabhi ek msg aya uske phone pe Hey miss u reached?? Ye Varun tha.

Chhavi ne bola yeah I am on way to my destination with my brothers.

Varun ne bola okay so whenever you are free, just msg me. Chhavi ko laga isko kya hogaya hai par Chhavi ko uske sath achha laga tha matlab usey ye nahi laga ki kisi se pahli baar mili hai..

Chhavi marriage destination pe pahuch gayi waha ladki wale bhi the tabhi pichhe ek aur car ruki samne se wahi mask man tha , Chhavi ne bola what kahi ye wahi insaan to nahi na..

Tabhi Jeevan ne bola Abey moti chal na car ke paas kyu hai kab se.

Chhavi ko kuchh samjh me nahi a raha tha

Fir usko Pridum ki baate yaad ane lagi wo tarot reader jisne bola tha apke life me same time pe do log ayenge aur kuchh waqt k baad apka past bhi.

Chhavi ne bola nahi nahi aisa thoda na hota hai.

Par agar aisa hai bhi to mujhe to achha Varun k sath lag ra tha lekin mai iss mask man ko jaanti hi kitna hu, hai to unknown hi , Chhavi ne bola whatever jo bhi hoga dekh lenge.

Haldi aur sangeet tha, sabhi cousin Jeevan ko kuchh kuchh bol kar maze le rahe the tabhi Chhavi aati hai, to Chhavi ki badi behan Priyam ne bola Jeevan ke saath saath Chhavi ke liye ladka dhundh liya gaya hai bas do no ka milna aur han bolna baaki hai.

Idher Chhavi, Varun se baate kar rahi thi, Varun ne bola photo bhejna shaadi wale function ke aur apna bhi. Jab Chhavi ne photo bheja to Varun ne bola mujhe nahi pata tha tum itni pretty hogi, par tum such me ho sirf chehre se nahi par andar se bhi us din airport pe mujhe laga hi nahi ki mai kisi new person ke sath hun.

Chhavi ne bhi bola han mujhe bhi nahi laga.

Chhavi ko lagne laga Varun hi uska soulmate hai kyunki wo pahle bhi jab nahi jaanti thi to comfortable thi aur ab bhi hai.

Tabhi Chhavi ko usko mom bulati hai bolti hai idher aao beta, aur wo usey kisi dadi ma aur aunty se milaati hai , mom ne bola paer chhu kar parnam karo to Chhavi ne fir parnam kiya tabhi aunty ne bola pyari bachi hai bahot waise Aarav bhi Bangalore se hi aaya hai aaj tum log nahi mile ek hi flight tha aaj toh, Chhavi kya hi bole usne bola pata nahi aunty hum jaante nahi hai na uss waqt Chhavi ko samjh agaya tha ki ye us mask man ki mom hai but pyari hai bilkul ma jaisi hi. Aur dadi ji bhi cute si hai bilkul meri dadi ki tarah, Chhavi ka uski dadi ke sath rista bahot alag hi tha unke jaane k baad se wo unhe bahot yaad karti hai.

Tabhi aunty ne bola Aarav bhi a hi raha hai ready ho kar fir milate hai apko unse beta ji. Chhavi ne ji bola, aur apne cousins k paas agyi, haldi ho chuka sangeet suru hone wala tha.

Aarav aya nahi uski tabyat thoda jagah badlne se kharab ho gayi thi sayad.

Sabhi ne sangeet me bahot masti kiya.

Dusre din Chhavi ki cousin behne samne kisi ladke ko dekh kar bol ri thi yaar kitna smart hai, uske chehre pe chamak dekh ri lagta hai hone wali bhabhi k taraf se hai, Aarav mediation kar raha tha subah suraj ki roshni me tabhi Chhavi aati hai, Shreya ne bola “di yaar wo samne dekh ri kitna smart hai na” Chhavi Varun se baat kar rahi thi msg se usne dhyan hi nahi diya.

Aaj shaadi thi sabhi saare rasme kar ke ready hone wale the Chhavi ki mom aai aur boli tum bhi achhe se ready ho jana.

Barat abhi niklne wala tha, “Chhavi jaldi ready ho yaar” Priyam ne bola “han bas ready hogayi” sabhi bas nikal gaye barat me dance karte waqt jab pahuche to welcome gate pe koi bhabhi k chhote bhai aur unke uncle ke sath tha Chhavi ke cousin ne bola ye to wahi smart ladka hai yaar tabhi Chhavi ne dekha ye to mask man hai matlab Aarav.

Jeevan stage pe tha photoshoot chal raha tha , Chhavi k mom aur buaa ne Chhavi ko bulaya waha aunty thi aur ek uncle the unke sath Chhavi ne pranam kiya wo fir Chhavi se uske career aur aagey ka plan k baare me puchh rahe the tabhi aunty ne bola Aarav idher sunna beta, Aarav aata hai mom aur bua ki pranam karta hai aur jaise Chhavi ko dekha usne bola hum mil chuke hai lagta hai to Aarav ki mom ne bola kahan pe, Aarav ne bola same flight tha mom par usne ye nahi bataya ki usne Chhavi ko sambhala tha girte waqt. Wo do fir abhi hi ek dusre ko bole hi the, ki waha se sabhi bade jane lage bua ne bola baate karo fir aa jana. Do no ko samjh nahi a raha tha ki baate kya karni hai! Chhavi ko fir ajeeb sa mehsus ho ra tha jaise kuchh complete sa hai ajeeb si feelings thi, Aarav ne fir puchha kya karte ho, kya pasand hai karna, fir wo apne baare me kuchh kuchh batane laga fir do no aise hi baate karne lage Aarav kuchh kuchh sayad bata rahaa tha jisse Chhavi has rahi thi fir Aarav ne bola tum cute ho kaafi fir family photo session chal raha tha tabhi Chhavi ki cousin aai usko lene, Aarav ne bola ya fir milte hai. Isi tarah shaadi ho gayi aur Aarav aur uski family ko Jodhpur se hi niklna tha dusre hi din.

Aarav ki mom ne Chhavi ko bola ab to hum Bangalore me hai to milte rahenge apse. Aur aap bache waqt samjhne ke liye ek dusre ko fir bataiyega.

Chhavi ko sab kuchh lag ra tha ki achanak se ho raha hai waise uss tarot reader ne bhi yahi bola tha sab kuchh achanak se hoga aur tumhe pata bhi nahi chalega kab tumhara soulmate tumhari life me aagaya.

Sab kuchh achha ho raha tha Chhavi abhi lambe holiday pe thi exam ke baad apni family k sath.

Idher Varun jab chhavi msg nahi karti thi to usey bolta tha kaafi busy ho gayi ho aap, toh thoda pareshaan ho jata tha.

Sabhi shaadi se wapas agye, Chhavi bhi apne ghar aagyi thi.

Mom ne puchha Aarav kaisa laga? Chhavi ne bola achha hai par abhi jaanti nahi hu mai usey puri tarah, mom ne bola han waqt lo samjho janne ki kosis karo ek dusre ko koi jaldi nahi hai aur zabardasti bhi nahi hai.

Ek msg aya “Hi” Aarav here, how are you,? Kya ho raha hai? Ghar pe sabhi kaise hai?

Chhavi ne puchha uske paas mera no. to mom ne bola han uski mom ne puchha tha to maine de diya tha.

Tabhi exam ke result ka link aya, wow Chhavi ne bola maine life me pahli baar top kiya hai wo bhi college me apne, ab convocation me mujhe medal milega, Chhavi khush thi sabhi khush the fir usne Aarav ko bataya usne bola i want treat tum jab ana to dena and han mai rahunga tumhare convocation ke time agar tumhe bura na lage to, Chhavi to bahot khush thi usne khushi me hi bola diya han tum rehna. Usne Varun ko bhi bataya par varun abhi work me busy tha.

Chhavi ko wapas Bangalore aana tha, jis din wo Bangalore aai, Aarav airport aya tha usey lene, Chhavi ne puchha “tumhe kaise pata mai aaj aa rahi hu” tab Aarav ne bola “mom ne bola mujhe” Chhavi ne socha shayad meri mom ne bola hoga Aarav ki mom se .

Udhar Varun bhi agaya usne Chhavi ko hug kiya aur bola baap re kon itne waqt ke liye ghar jata hai? Maine tumhe miss kiya, Chhavi ne mann me socha abhi hi to mile the hum 1month pahle. Chhavi kuchh bolti Aarav ne Varun se bola us din bhi aap the chhavi ke sath coffee pi rahe, Varun ne bola han par aap kon, to Aarav ne bola sayad apko yaad ho mai inko ring wapas karne aya tha.

Varun ne bola to fir aap do no mile kaise kahi same flight to nahi thi, ya near seat matlab ek dusre ko aap jaante kaise ho to Aarav ne bola Varun ko ki hum family function me mile the, abhi to hum bas achhe dost hai. Varun ne Chhavi ko bola itni jaldi dosti hogayi, isliye koi itna busy tha apne family function me.

Chhavi ko thoda ajeeb laga Varun rude ho raha tha, Chhavi ne baat change karte huwe bola Varun coffee pite hai na tino.

Varun ne bola usey kaam hai filhal to jana hoga airport pe hi shift tha uska.

Chhavi ko bura lag raha tha andar se usne Varun ko msg kiya tum itna odd kyun behave kar rahe, Aarav family friend hi to hai mera.

Aarav ko sayad samjh a raha tha usne bola Chhavi se, tum usse mil lo mai wait karta hu parking ke paas .

Varun fir normal hua aur Chhavi ko bola coffee pite hai , Chhavi ne dekha to Aarav dhup me tha khada fir Chhavi ne bola Varun baad me mujhe mere PG jana hai aur maine bataya tha na college ka result ka to, Varun ne bola han han theek hai jao tum mujhe bhi aaj late ho jayega. Varun ki friend aai aur wo uske sath chala gya aur idher Chhavi Aarav ke paas aagyi.

Aarav ko Chhavi ne sorry bola to Aarav ne bola arey koi baat nahi maine dost bola hai tumhe to mai samjh sakta hun ye sab mai tumhe judge nahi kar raha waise he is nice person.

Chhavi ne bola bhukh lagi hai mujhe to Aarav ne usko ek box diya usme pasta tha Aarav ne banaya tha, Chhavi ne bola ye to aarav ne bola han dost ke liye itna to banta hai na ek dost ke taraf se, tumne bola tha jab hamari baatein ho rahi thi to ki tumhe pasta pasand hai to maine socha mai banata hun. Waise mai khana achha banata hu you know I am good chef aur do no hasne lage. Chhavi apne PG agyi. Arbi gate k paas hi thi Aarzoo aya tha usse milne tabhi Arbi ne Aarav ko dekha aur Chhavi se bola ye dashing insaan kon hai? Chhavi ne bataya family friend aur ab mera bhi friend. Fir Aarav, Arbi aur Aarzoo se milta hai thode der baat karne k baad Aarav wapas jaane ko bolta hai Aarzoo ko bhi jana tha uska friend nahi tha abhi tak bike le kar to Aarav ne bola mai drop kar dunga, do no chale jaate hai.

Fir Chhavi room me rest karti hai, tabhi Arbi aati hai bolti hai kitna sahi hai na Aarav tabhi Chhavi Arbi ko Varun ki baare me bhi batati hai.

Arbi Chhavi ka mazak udane lagti hai bolti hai akhir aagye do log life me bas ek past wala baaki hai uss tarot reader ne kya prediction kiya hai , Arbi ne fir puchha tu Varun ko pasand karti hai right aur Aarav ko family wale aur tu Aarav ko as friend dekh ri tabhi Chhavi ne bola han yaar par in me se kaise pata chalega kon hai wo mere sirf pasand karne se thodi ho jata hai pasand to attraction bhi ho sakta hai na.

Tabhi Arbi bolti hai tu abhi rest kar hum baat karte hai iss baare me.

Aarav ki baate msg se hi ho ri thi Chhavi se ya jab wo thoda bhi bimar hoti to Aarav wahi hota medicine le kar udhar Varun chhavi se naraz rehta tha most of the time usey lagta tha Chhavi Aarav ke saath hi busy hai chahe Chhavi Arbi ya dusre dosto k sath hi kyun na ho.

Jab Chhavi ne Aarav ko bola to Aarav ne Chhavi ko smjhaya aisa hota kabhi kabhi misunderstanding ho jaati hai tum Varun ko bolna nahi to mai baat kar leta hun mai bolunga hum dost hai bas aur jaisa wo sochta hai waisa kuchh hai nahi waise bhi jab pyaar ho kisi se to wo fir waqt aur situation ke sath aur badhna hi chahiye na ki kam hona chahiye. Life hai chhoti chhoti misunderstanding aate rahengi lekin agar baate na ho to samjh kaise ayega ki sahi kya hai aur galat kya.

Chhavi ko Aarav ki baate Chhavi ko us pahle Chhavi ki yaad dila rahi thi jo kabhi aisa bhi kuchh sochti thi.

Chhavi soch rahi thi kya such me koi insaan itna samjhne wala ho sakta hai kya??

Tabhi Aarav ne bola kya hua kya soch rahi ho aap, aap jao Varun se samne se baat karo.

Chhavi ne bola han theek hai aur wo phone kat kar diya.

Fir call aya Chhavi ko laga Varun ka hoga par wo kisi unknown number se tha usne hello bola to kisi ne bola Chhavi, Aman bol raha hun, Chhavi ka awaz ladkhdaya aur usne bola tum to! Aman ne bola mujhe maaf kar do, mujhe pata hai tum ab bhi pyaar karti ho mujhse please mujhe ek aur mauka de do aur wo rone laga, Chhavi ne bola maaf to kabhi ka kar diya tha maine tum please ro nahi , mai tumse baad me baat karti hun aur bol kar phone rakh diya.

Chhavi mandir me gayi aur baithi hui thi akele wo soch rahi thi ki uske saath hi aisa kyun ho raha, ankhe bhari hui thi uski tabhi kisi ne bola Chhavi usne dekha to Aarav tha, aap yaha kya kar rahi ho fir Aarav ne uski aankho ko dekha aur puchha kya hua kyu ro rahi ho aap, Chhavi ne bola tum yaha kaise usne bola dadi ko mandir ana tha bas mai agya yaha tabhi dadi aai aur Chhavi dadi se aur Aarav se baatein karne lagi, Aarva ki dadi uske bachpan ki baatein bata rahi thi Chhavi thoda achha feel kar rahi thi ab. Aarav dadi ko ghar drop kar k wapas aya, Chhavi ab bhi wahi thi usne Aarav se puchha tum to ghar gaye the na abhi usne bola han dadi ko ghar par drop kiya aur wapas agya.

Ab batao kya hua hai apko kyun pareshaan ho aap?

Chhavi rone lagi aur fir Aarav ko usne Aman k baare me bataya Varun k baare me bhi bataya jo abhi unke bich misunderstanding chal ra tha.

Aarav bas Chhavi ko sunn raha tha. Chhavi ne apne andar k saari baatein pahle ke dard bhi Aarav ko batate gayi , Aarav sun raha tha..

"Kabhi kabhi na logo ko sirf unhe koi sunne wala chahiye, na ki apne point of view ko samjhane wala aur ye baat aarav ko pata tha, usne chhavi ko hug kiya aur uske sar par hath rakhte huwe bola bas bahot dard sambhal liya tumne, tumhe bhi khush rehne ka pura haq hai..

Abhi tum PG chalo aur usne Chhavi ke phone se arbi ko cal kiya aur jab wo pg gaye to arbi wahi thi wo Chhavi ko room le kar aai.

Chhavi tujhe pata hai Pridum (tarot reader) ne kya bola tha jiske aate tere life me sab kuchh achha ho jiske pass rehne se tu khud ko pura mehsus kare wahi tera soulmate hoga.

Tu apna waqt le soch ki kon hai wo fir decide kar aagey kis ke sath badhna hai tujhe.

Arbi Chhavi ke room me hi baithi thi, chhavi ke saamne sab kuchh chal raha tha jab wo Aarav se mili fir Varun aya fir Aman lekin pahle Aarav hi to tha usse milne ke baad hi to Varun mila aur mera result Aarav se msg pe baat karte waqt hi to aya tha , Aarav kam waqt me mila par usne dosti nibhai hai wo har waqt rehta hai mujhe sunta hai samjhne ki kosis karta hai mujhe judge nahi karta mai pareshaan hoti hu to mai usey hi call karti hu aur jab mera dil puri tarah tuta tha to maine yahi to bola tha na ab jo parents choose karenge mai usi se shaadi karungi par mere parents itne achhe hai ki unhone mujh pe sab kuchh chhod diya hai decide karne ko.

Varun se baat karte waqt pahli baar achha lag raha tha par waqt ke sath fir wahi sab chal raha, samjhne ki kosis na karna bas apna sunna aur sunana .

Aman wapas aya toh hai par kya bharosa wo achhe se hi rahega waise bhi mai depression me aagyi thi uski wajah se aur mera saal barbad hua tha kitni muskil se maine sabhi ko maaf kar k khud ko priority me rakha hai.

Par insab k bich koi agar hai jiske hone se mujhe apna sa lagta hai to wo aarav hai.

Chhavi ne ma ko call kiya aur bola ma mujhe Aarav se hi shaadi karni hai.

Aur fir usne Arbi ko hug karte huwe bola mujhe mera soulmate mil gaya arbu.

Ek baar Aarav ne hi bola tha rista koi bhi ho perfect koi insaan nahi hota par waqt ke sath chhote chhote khushiyo ko share karna, ups and downs me support ban kar rehna aur judge karne ki jagah kisi ke jagah par reh kar usko sunna aur samjhne ki kosis karna , ek dusre ko hamesha respect dena dhere dhere perfect bana deta hai.

Pridum ne bola tha jab wo tumhari life me ayega tumhari life badal jayegi, Ab Chhavi khush hai kyunki uske paas koi us ke jaisa hi hai uske liye.

By Jyoti kumari