Sone Ki Kalam

By Rishika Agrawal

Aankhein moondkar soye the

Jagne par ek ehsaas hua

Neend bhari raaton mien

Zindagi par vishwas hua

Kyun khudko chodkar

andhere mein chale jate hain

Kyun sote sote zindagi

Ke pal gujar jate hain

Suraj ki kirano ke saath

Hui ek alag si chuban

Maanlo kehti ho

Utho aur jakar dekho darpan

Mez par rakhi kalam jaise bulane lagi

Apni ehmiyat muje yaad dilane lagi

Usi kalam ko lekar Chal padha main

Uss disha mein jahan Mera koi nahi tha

Jab kaagaz par kalam ki

Hui dastak

Sona ugla mere mann ne har gam bhulakr

Shabdon ka gehra asar

hua meri ruh par

Aankhein namm si ho gayi

Dil ki dhadkan tham si gayi

Mann shaant aur saral ho gaya

Kalam ne apna jaadu dikha hi diya…………..

Jo baatein antarmann ko rulati rahi

Wahi kaagaz par utarkar maan ko behla gayi

Himmat ek anokhi aayi

Sone ki kalam mein mujhe meri dost nazar aayi……………

By Rishika Agrawal