Shukrana ( Gratitude )

By Shama Afroz

Kyun na shukrana karu ya Rab teri har neymayt ka, Chahe vo gham ho ya dard hi kyun na ho.

Jo gham na hota khushi ki ehmiyat kese samajh ati ???

Jo dard na hota rahat ka ehsaas kese hota ???

Kyun na shukrana karu ya Rab teri har neymat ka, chahe vo bhuk ho ya payaas hi kyun na ho.

Jo bhuk na hoti khane ki ehmiyat kese samajh aati ???

Jo payaas na hoti pani ki tarawat kese samajh aati ???

Shukrana ya Rab teri har neymat ka, har dukh ka har sukh ka har kami ka har khushi ka har mushkil aazmaishon ka har behtareen rahaton ka.

Shukrana ya Rab is Shukrane ka ehsaas dene ka.

Jo ye ehsaas na hota mujhe meri bhari thali bhi khali lagti, meri khushiyon se bhari band mutthi bhi khali lagti.

Kabhi samajh na aata, Ki mere paas thali hai kuch log aese bhi hai jinka paas khane ko bhi nahi.

Shukrana ya Rab is shukrana ka ehsaas dene ka

Jo ye ehsaas na hota koi khushi ka lamha mere paas na hota

Shikayaton ki lambi ferisht hamesha mere saath hoti, jo shukrana ka ehsaas na hota.

Shukrana ya Rab teri har neymat ka chahe gham ka chahe khushiyon ka shukrana shukrana shukrana….

By Shama Afroz