Sham Dhale Jab Woh Aaye The

By Deepanshu Sharma

Shaam dhale jab woh aaye the

Humse kuch na keh paye the

Kuch muskaye the

Kuch sharmaye the

Phir kuch aansu woh apni 

pyari aankhon mein bhar laye the

Kuch aadat unki apni hain

Kuch humari apnayi hain

Inn andheri galiyon mein bhi

Woh muhabbat ki parchayee hain

Shaam dhale jab woh aaye the

Humse kuch na keh paye the

Muhabbat seekhe karna

Toh koi inse seekhe

Jo iss patthar dil mein bhi

Deep pyaar ka jalaye hain

Kya galat kiya humne?

Kya humne unhe daga di?

Iss muhabbat ki baat toh chhoro

Aaj bewafayi bhi unhone sikha di

Shaam dhale jab woh aaye the

Humse kuch na keh paye the

Jab humne unse phere liye

Woh aage the hum peeche the

Aaj yeh kaisi ghadi aayi hai

Hum upar hain

Woh neeche hain

Aaj kandhe badal-badal kar sab

Humein jalaane ko aaye hain

Dekhkar unhe lagta hai

Ki woh aaj bohut kuch khoye hain

Isliye aaj woh itna zyada roye hain

Humne jo dekha woh sach tha ya jhoot, pata nahi

Lekin Deep kasam yeh drishya dekhkar hum bohut pachtaye hain

Shaam dhale jab woh aaye the

Humse kuch na keh paye the

Kuch seh lete hum

Toh yeh sab nahi dekhna hota

Shayad apna koi sapna bhi na toota hota

Ab kya karein

Ho gaya jo hona tha

Dil tumne humaara dukhaya

Tumhara bhi toh dukhana tha

Chalo ab hum chalte hain

Ho sake toh maaf karna

Humne tum ko maaf kiya

Aur yakeen maano 

khud se bhi zyada tumse pyaar kiya

Sirf tumhi se pyaar kiya

Shaam dhale jab woh aaye the

Humse kuch na keh paye the

Aaj shaam dhale jab woh aaye the

Ruk-ruk kar aansu bahaye the

Humse kuch na keh paye the

Shaam dhale jab woh aaye the.

By Deepanshu Sharma