Satya

By Kunal Sood

Be-mausami phool hai ye

Be-mausam murjha jayenge

Sabhi vichaar sabhi ke

Bas vichaar banke reh jayenge

Yeh bas hawa hai

Jo kahi se bhi chal padti hai

Yeh samay ki naau nahi hai

Jo ek he disha pakadti hai

Humara tumhara astitva keval

Khoon aur maas ki thaili hai?

Ya kuch aur bhi behta hai isme

Jis vajah se ye bechaini hai

Mithya ki himayat aneko lekin

Sirf satya he satya ka gavaah hai

Mein hu sach..aur mein sab hu

Saari duniya meri panaah hai

Bekhudi se dillagi

Beparvahi raah mein

Be-mausami hai kuch nahi

Phool sabhi bahaar mein

Humara hona kathin raha

Honi toh ho kar rehti hai

Gaute laga par yeh bhi jaan

Ik Ganga andar bhi behti hai

Raato mein tu chaand se

Maangta hai dhoop ko

Tu suryq nahi toh surya ban

Pehchaan asli roop ko

Brahmaand mein jo kaafila

Par chetna toh ek he hai

Bhagwaan sabhi me bant gye

Par chetna toh ek he hai

Bhara panna bhi khaali sa kyu lagge

Kaha chali gayi iss kagaz ki saari siyahi

Iss chori ka gunehgaar aur shikaar bhi me

Aur meri kavita ko he deni thee saari gavahi

By Kunal Sood